Inter Milan nihcun midfielder Eriksen cu pound 17 million in an kawh cang

Serie A club Inter Milan nihcun Denmark midfielder thiam tukmi pakhat Christian Eriksen cu poud 17 million hmangin an kawh khawh cang tiah theih asi. Tottenham Hotspur ah dirhmun tha tukin arak cawlcang tawntu Christian Eriksen nihcun England ram in Italy leiah a mer ruang mang cang.

Inter Milan nihcun midfield leiah thazang chap dingah an ruah chan nak mitthlam cu Eriksen nih hin a tak ah atlinter kho ngha dek maw. Tu Season ah cun Inter Milan nihcun athabik mi dirhmun an phan dengmang cang timi cu theih khawh asi.

An Coach Conte hruainak tangah Inter Milan nih hin vawleicung bawlung chuih thiam minthang asimi Lukaku le Sanchez tibantuk hna cu tutan Season chungah an cawk khawh hna tikah hin mitampi mit thutnak an si kho cang. Christian Eriksen nih hin tottenham hotspur ah cun 2013 kum ah arak phan i an club hrangah hin goal 51 tiang arak khumh khotu vawleicung midfielder minthang pakhat asi.

Mah lawng siloin an club hrangah hin midang nih goal an khumh khawh nak dingah voi 61 tiang lawm mam arak bawmh khawh hna tikah hin player sawsawh cu asi hrim hrim lo timi alang khun. Tutan Season ah cun Inter Milan bawllung chuih ning cu zoh a dawh khatuk tawn.