Inn Luahman An Pek Khawh Lo Ruang Ah Tthawldawi A Tawng Mi Nufa (Video)

Kan vawleipi akan buaiter cemtu Covid-19 pulrai zawtnak cu nikhat hnu nikhat in a karh chin lengmang. Mah ruang ahcun company, factory tampi hna cu riantuan kho lo in charter dih an si. Nichiar kuli tuan chawm in paw ai cawm mi chungkhar caah cun rianttuan kho lo in an umnak a sau tuk cang ruang inn luahman pe kho ti lo mi tampi an um.

Online mipi a hmutu vialte mittli tiang a tlakter dihtu video pakhat cu Amarahpurah myo O Pingtata( hlei) kam Ameihsuh sang an timi ahcun nufa cu Covid-19 ruang ah rianttuan kho lo in an um ruangah inn luahmah thong 3000 an pek khawh ti lo caah lam kam ah an riak.

Mah hna nufa cu an inn hlan mi inn ngeitu nihcun inn man kan kaih cang hna lai tiah arak ti le cangka in Covid-19 zawtnak thawngpang nih a den cawlh hna. Mah ruang ahcun inn hlan man an pek khawh ti lo caah lam kam ah an rak riahnak a si. Mah hna nufa cu Mandalay khuapi chung tikhur ah mi thil suk an rak i hlawh mi phaisa in cun rawldawr ah rawl anrak ei.

Rawl an ei dih in cun zan riahnak an ngeih lo caah phungki sianginn ah riahnak anrak kawl mah lio cu Yangon myone One To One an timi miharsa bawmtu phu hna nihcun an hmuh hna i thong sawm nga bomhank an pek. Mah kong cu Saing Nay Myo Maung Maung an tihmi facebook ngeitu nih an video he arak post hna hi a si.  Video

Note: Covid-19 boruak lio ah hin lamhlatpi miharsa hna kha na mitthlam ah cuang lem hlah seh, mah bantuk nuhmei inn luahmah a pe kho lo mi le eiawk a ngei lo mi hi napawngkam ah an um maw um lo tihmi tu kha zoh khawh i zuam. Covid-19 pulrai ruangah hawi dawt cheukhat hna cu zingzan eiawk hmanh ngei lo in um khawh an si caah Pathian nih fimnak akan pekmi kha mah bantuk caan ah hin hman khawh i zuam hna u sih.

You cannot copy content of this page