Hringtu Nule Pa Nihcun Rak Zoh Ve Hrimhrim Uh!

Kan vawlei pi cu chankhat hnu chankhat ai thleng  lengmang mi nih hin thilttha tampi a chuak pi cuahmah lio ah thil ttha lo tampi a rak chuah pi ve ti kha philh bak hna hlah u sih.

Tu kan chan cu kan theih dih cio bang IT chan kan hung phanh cang caah nghakchia upa tiang in phone tawngh le phone I gmane kah nih mi kip lungthin a kan lak dih cang ti u sihlaw kan palh lem lai lo dah!

Cu hlan chungkhar ah nupi/ pa le fa kar ah dawtnak in caan a rak hmang tu chungkhar hmanh kha Phone biatak te I a hung chuah hnu ahcun nuva/ pa le fa hmanh I chon kho huaha ti lo in a um mi chungkhar rel cawk lo kan hung chuak.

A tang video flim tawi te ka vun langhter hi rak zoh law na mitthli an tlak ter ve hrimhrim lai tiah ka zumh. Hi hna pafa rual cu hringtu an nu nih a thih tak hna hnu ah an pafa rual in mah tit e khi khua an sa. Hmanh sehlaw an heringtu an pa a fel tuk caah nu zunn ngai lo tein a fanu le pahnih cu a chiah hna.

An unau te cun a pa nih Mawtaw saikal a ser I a hmuh mi phaisa te in cun sianginn ah a chiah hna I camipuai an tuah I cu camipuai ahcun an unau te in an awng veve. Cu an result te cu hringtu an pa cu an va zohter I a pa cu ai lomh tuk ah amithli tiang a tla.

Vawi khat cu an kham chung te ah khin an unau tein cauk pakhat I vawleicung map le thildang dang kha I nuam ngai khin an zoh kha a va hmuh hna. A pa nihcun Phone cawk piak ah an ttha lai tiah phone thar cu a cawk piak hna. Hmanh sehlaw a upa deuh nu nihcun phone cu ai tlaih peng cang caah anau nu te cu a philh diam ai.

A philh lawng hmanh si lo in zan suimilam 12 tiang phone cu a zoh peng cang cacian caan hmanh kha a thei ti lo. Cu lawng hlah sianginn an kai lai paoh ah a pa mawtaw saikal ser mi cu an unau te in an va hnamh tawn.

Phone a cawk hnu cun upa deuh nu nihcun a pa tiang in a philh cang. A nau nu te lawng nih siangin kai laih ah a pa cu a hnamh cang. Mah ti cun a nau nu le a pa sin in awka ttha a hmuh khawh lo hlei ah chungkhar ah nuamhnak a um kho ti lo.

Vawi khat cu siangin kai ah cun an unau te cun an ni thawh tthan I a nau nu te nihcun a pa saikawl ser mi cu a va hnamh I cun a kal, a upa deuh nu nihcun a pa cu hnmah ta lo in lanh tak a vun timh ah khin a lung ah I ngaihcih nak a um caah a kir tthan I a pa cu a phone cu a va pek I an pafa cun an ni hnmah tthan.  Video Link