HRANG HLEI THIHNAK BAWINU…COVID-19

Maw Covid-19 aw…Thihnak bawinu tlaangraai dang vialte nakin na hraang hlei in na puar thau hringhran ko Bible ca chung mithat lainawng siangpahrang nu a thaliah le Jezabel na hluan hna lawng si lo-in na hleih in pei a parpelek na panh cang hi A zaa ti zong na ngei lo ee
Minung kan nun lettaling in pei na leh dih hi

1. Khuh le Hathio Lailei ah kan haathio caan ah pawng minung nih Hir thiang Raaidam kan i ti Mirang pawl nih Bless you an tinan Atu cu mi pawng khuh le hathio ah cun hro vuak le velh timh in na thlen.

2. Dawtnak he aa kupmi kuttlaih naih te-in a thrumi kuh le naih cu chim lo kut tlaih cu chim lo pee ruk dan in dir le thrutter i hlaat dingin pei na kan tuah hi An i daw in an i tlaihchan lai ti pei na phaan rua hi hi mu.

3. Rian tuan lo-in umter Rian tuan hmanh ah nun har kan tam lio ah tuan lo-in zeizat dah na tuah hna Unemployment minung an karh chin lengmang raai hlei ah mangtram pei auhchin na timh hi Pumpak in Cozah tiang har ter na kan timh ko ti Na mak na hrang hlei ko

4. Biakinn na khaar Bible nih hmunkhat pumh a kan fial lio ah na kan khaar piak mah inn lawng pumh le langtlaang pumh lawng na kan fial mi cheu cu Pathian naih deuhnak ah an hman nain micheu nih Pathian hlaat chinchin nakah an hman Sehtan lei ah pei na tran hi Sehtan Agent pei na si hi Na mak in na puar hlei ko

5. Zawt thlopbul le ruak thlah na kham mi siining cu chim lo nu le ve nu le pa le fale karlak laitlai unau hmanh zawtfah ah i thlopbul zohkhenh khawh lo nun chung faakhlei thihnak ton caan zongah ruak i thlah le thlaan va thlaak hmanh na senh hna lo na sual hleice na mak hringhran

6. Rem lonak le i raalnak na ser Mirang le misen minak le misen karlak miphun karlak in Cozah pipi tiang i ngiarnak i hronak USA le UNO tiang i hmuhthiam lonak na ser na maksak in na cekhaa ko hrang hlei thang le mi puar thau mu

7. Lih le hlennak na karhter fawn chim cawk si lo na sualning hi Pathian huat zawng lih le hrokhrol chimtu trialtu an karh tuk cang
Ngakchi le tar ca-ah trih a nung a ti na, ngakchia cu an chonh kho hna lo ti na, khamhnak sii an ser

cangmi hrim hi a tam tuk cang tu tiang damnak sii an tuah kho hlei trung lo….Pathian fale nih scientist zoh sii scientist nih thlacamnak he Pathian lawng zoh si hi…Vulei a baa cang hih kan chuah taak cang Dawtmi na si lo hi i hngal law kal cang ko. Hranghlei thihnak bawinu..Covid-19..Bye! Bye! kan peek.

Rev. Lian Her