Aizawl, June 6, 2023_ ZPM Ṭawi East Block bultumin Chawnpui Branch YMA Hall, Saitual-ah ZPM Țawi East Block Media Cell Training hun hman a ni a. He hun hi ZPM General Headquarters Media & Publicity Department ten an hmanpui a, resource person Pu Eddy Zosangliana Colney, General Secretary, ZPM General Headquarters chuan Media pawimawhna, hman dan leh fimkhur ngaihna lai te a hrilhfiah a ni.
He hun hmanpuitu Pu Eddy Zosangliana Colney, General Secretary, Media & Publicy Department chuan, “Hman ata tawh kan opponent party lian ten mipui rilrua tuh tum an nei a, chu chu ZPM hi tawngkam chhia, mi dang zahpahna nei lo angin mipui rilrua tuh an tum a ni. ZPM hi social media lamah an tawngkam a chhia, tawngkam an duh tui lo, an an a chhia te an ti thin a. Amaherawhchu, mipui rilrua chutiang anga ZPM an hmuh theihna tur atana tuh an tumna game chu vawiin thlengin an la hlawhtling thei lo a. Thawkkhat lai kha chuan an hlawhtling lek lek thin ni te pawh khan ka hria a.
A chhan chu, khawtlang pa rawn, kohhran hruaitu pawimawh, pastor leh upa te hnen atangin ZPM hi social media lamah in tawngkam a chhia an ti, tih thu hi a hminga media enkawltu nihna zawnah ka dawng ve fo a, hetiang a nih avang hian kan han in dap zau deuh a, kan social media pasaltha ten an han chhui an han chhui a, lemchang na na na chu hriatchhuah a lo har lova, a tawpah chuan MNF ZPM lemchang te, Congress ZPM lemchang te an lo ni leh thin. Mipui rilrua ZPM tawngkam chhia anga tuh an tumna, an game khelh a hlawhtlin theihna atan chutiang chuan an lo ti thin a lo ni a, a zia lo ka ti hle,” a ti.
Pu Eddy-a chuan, “Kan elpui party lian pahnih hruaitute thusawi chang tin maiah hian ZPM beihna hmuh tur a awm indawt chho zut mai a. ZPM lam ri lo hian thu an sawi tluan thei lo emaw tih mai tur a ni. Heng avang hian a ruka min lo tan ve em em tuten, hei hi in chhanglet dawn lovem ni? Hei hi chu a em em ve tawh, chhanglet ve rawh u, tih thu.