Pazigyi Khua Kahdoh Ding In Ralkap Sin Thawngpetu Kan Tlaih Hna Tiah NUG Nih An Thanh. Sagaing ramáš­hen, Kanbalu peng Pazigyi khua kah ding in dalan nih SAC ralkap thawng an pek hna ruang ah Fighter le Helicopter in an rak kah.

Fighter in Pazigyi khua bomb thlakter ding in thawngpetu dalan Thein Shwe(kum 53), Oo Chu(kum 61), Hpaw Min(kum 36) le Yin Yin Win(kum 30) cu kan tlaih hna. Biahalnak kan tuah tik hna ah pyusawhti hruaitu Oo Wa Ta Wa le dalan nu Nwe Yin hna zong an i tel, tiah NUG Ministry of Home Affairs and Immigration nih an langhter.

SAC ralkap thawngpetu 4 hi Kanbalu peng mizapi ukhruainak phu in palik sakhan(Pah) 1/2023 in ralhrang dohnak upadi section 54 in taza an cuai hna, tiah theih a si.

Pyusawhti hruaitu pa le Nwe Yin zong taza cuai ding in nawl an chuah pin ah Min Aung Hlaing telh in Pazigyi khua kahdoh ding in thawngpetu 6 hna cu Kanbalu peng mizapi ukhruainak phu in palik sakhan(Pa) 1/2023 in ralhrang dohnak upadi section 54 in taza cuai ding ah nawl an chuah, tiah theih a si.

A luancia April 11 lioah Pazigyi khua ukhruainak phu nih zung thar an hun lioah SAC ralkap Jet Fighter le Helicopter nih, bomb an thlak hna pin ah hriamngan in an rak kah hna caah kum tling lo ngakchia telh in tualchung mi 168 an nunnak a rak liam i, minung 16 hliamhma fak ngai an pu, tiah NUG nih cathanh an chuah.TCP

By admin

Leave a Reply

Your email address will not be published. Required fields are marked *