Myanmar ah zarh khat chung ah mi 705 sin in Covid-19 zawtnak hmuh a si i, cu chung ah 2 cu an nunnak a liam tiah SAC kut tang um ngandamnak lei vuanci zung nih nihin May 2 ah a thanh.

April 23 in May 1 tiang Covid -19 zawtnak aa chawnhmi hna chung in nunnak liammi cazin cu ngandamnak lei vuanci zung nih atu bantukin a langhter hi a si.

Nihin, May 2 zong ah Bago ramṭhen Pyi peng siizungpi ah kum 76 tluk simi nu pakhat cu Covid zawtnak in a nunnak a liam tiah ruak thlahnak hmun ah a kalmi, mi bawmchantu phu in ṭuanvo ngeitu pakhat nih a chim.

Ngandamnak lei vuanci zung nih a langhtermi cazin ning ah cun April 29 ah Covid zawtnak hmuhmi hi 130 tiang an phan i, zarh khat chung ah a tam bik Covid zawtnak a ngeimi an hmuh hna ni a si.

Cu ni ah cun Yangon ramṭhen, Lata peng ah Covid zawtnak in pakhat a nunnak a liam tiah theih a si. April 27, ni zong ah Covid zawtnak hmuhmi hi 77 an si i, Yangon ramṭhen Dagon Myotit nichuahlei ah Covid zawtnak in mi pakhat a nunnak a liam.

SAC kuttang um ngandamnak lei vuanci nih a langhter ning ah 2023, May 1 tiang ah Covid -19 zawtnak aa chawnhmi hi sing ruk leng an si i, cu chung ah 19,492 an nunnak a liam tiah an langhter. TCP

By admin

Leave a Reply

Your email address will not be published. Required fields are marked *