Tulio kan Chinram le mizoram chung zawngah a hung lar ngai mi bia cu Pathian nih a ka chimh/ aka chonh timi bia hi asi. Pathian nih biakam hlun chan lio ah khan Moses, Abraham te pawl cu aw bak in a rak chonh hna nak cu fiang tein Bible ah hmuh khawh asi.
![](http://www.khuaruahhar.com/wp-content/uploads/2023/03/dee-300x158.png)
Si nain tu biakam thar chan ah hin cun Pathian nih aw bak in aka chonh tihmi hi kal sual a bak asi tiah Laimi kan pale cheukhat nihcun a chim mi an um.
Mah vial in za seh, tutan i langhter ka duh bik mi cu Zambia Kuchalo Pastor pa nih pasal nei cia mi Nu a chung khuachia rianttuannak chuahter a timh i mipi le a vapa hmai bak i a kiss mi khi ka vun langhter duh deuh mi cu asi.
Zanbia Kuchalo pastor pa bantuk in kan Chinram ah Evan le Pastor kan i neihmi hna chung ah hin kan um ve sual hnga maw tihmi hi ruah phu ngai mi asi. Tu kan chan cun Pathian nih a ka fial ti duak zau i anmah duhnak bak kha chim le tuah a hmang mi kan tlawm ti lo.
Tutan ka post mi video te hi Zanbia Kuchalo pastor pa bantuk minung kan Chinram/ Lairam chung ah kan um sual nak hnga lo ralrin nak a kan petu si hram ko seh.