Zahan Zaan Mark Sang Bik Minung Panga
Zahan zaan Van Mal Nei key a vun thlen lio a aw ngaih nuamh ning kha cu ka celh lo, a aw that ning khuaruahhar a si ko. Ai zuammi 15 lakah mark sang bik a si.
Mark sang bik changtu Lautu idol Aye Myint Kyi performance kha cu a mak rori. Performance ah cun ka uar bik. A mui, a fashion le a cawlcangh ning zoh tikah 100% confidence a ngei timi a lang.
Napo Leon le Simai Paw hi tutan round 2nak ah an mark a vun kai than ve. Mark sang bik 3nak hmunhma ah Joseph Bawi Tha Lian le Ngun Lian Hmung he an um ti hna. Anmah pali hi an mark ai khat dih.
Ronald belte kha a aw cu a mak emem nain ai laklawh nak a um caah a si rua, 4nak ah a um. Napo Leon te phu nih mark 1 lawng in an tei.
Tuzaan hi Par Tin Tlem zeidah a lawh te hnga? Tracy Lar, Sui Len Cuai le Bawi Za Cung zong zeidah an lawh te hnga? Ka yinkhung bak.
Salai Luthli Tum Ruah Dingmi Chin Star Hla Zuamnak Mark Peknak Kong
Chin Star hla zuamnak mark peknak kongah hitin ka ruah. Hla mark petu ah hlanmi hna hi hla le music ah a za bak tiah na kawl i na hlan mi hna an si.
Kanmah Chinmi level ahcun a za bakmi an si ko.Cucaah 75% hi namah kut ah chiah ah a ṭha bik.
Mizapi vote hi cu a tam bik ah 25% hi a za. A ruang cu zapi cu aw quality kha an zoh ti lai lo. Mah peng le tlang thazaang i pek kha a si zungzal lai.
Tahchunhnak ah! Falam nu kha zeitluk a aw a ṭha i hlasak a thiam tuk hmanh ah Lautu le zophei pa/nu, Thantlang pa/nu nih share le comment cu a tuah lem lai lo.
Cu bantuk in Lautu nu hi zeitluk a thiam le quality a ṭha tuk ko zongah Thantlang pa/nu le Falam pa/nu nih share le comment a tuah bal lai lo. FB a kau tam tambik mi peng le tlang nih tei a si ko lai. Cucu a si. Chin mi lungthin cu theihthiam colh a herh.
Cucaah zuamnak ahcun quality ning tein a dik ning tein a chuah a hau. khawh nakhnga Markpetu hna kut ah a tlawm bik 75% hi cu a um a herhnak cu a si.
Zuamhnak cun ṭanpinak in si loin thiamnak le Quality in co awk a si. Cu lawngah cotu zong quality a um. Lunghrinhnak a um ti lai lo. Salai Lungthli Tum naa tinhnak zong a tlamtling lai.
Salai kumkhua lei ah ngakchia na si nain thil lianngan a tuah mi na si. Pasal tuanbia na ṭial a si.