Yangon-Mandalay lampi le Kanyautkwin(ကညွတ်ကွင်း), voi 4 kahdohnak ah SAC ralkap 12 an thi, PDF 3 an nunnak a liam tiah Bago pengkomh battalion 3701 in ṭuanvo ngeitu pakhat nih a chim.

April 7 in April 17 tiang Yangon-Mandalay lampi, lam ṭhing le Kanyautkwin peng ah SAC ralkap le Bago pengkomh battalion 3701 kar kahdohnak voi 4 a cang i SAC ralkap 12 an thi, 6 nih hliamhma an tuar. Tualchung hriamtlai PDF lei in ralkap Chit Myo Wai, ralkap Bo Bo Aung le ralkap Tin Lwin tiin 3 an nunnak a liam tiah theih a si.

Kahdohnak chung ah nunnak liammi PDF chungtel 3 cu rampi caah upat awk a tlakmi pasalṭha an si tiin upat peknak le tantakmi chungkhar ca ah nan ngaihchiatnak kan in hrawmpi hna tiah Bago pengkomh battalion 3701 nih cathanh a chuah.TCP

By admin

Leave a Reply

Your email address will not be published. Required fields are marked *