Xi Jinping Nih Hin A Nun Chung Tuluk/ China Ram Uk Dawh Si Cang

Tuluk President Xi Jinping Avoi Thumnak Kum 5 Ca Prsident Tuan Ding An Thim Than. 2023|Vaute 10| Tuluk President Xi Jinping (kum 69) cu President term voi 3 tiang pehtlai in a tuan hnu ah a ralai mi kum 5 ca President tuan than ding in an thim than tiah kan theih.

Tuluk ram Hluttaw minung 3,000 tluk tonpumhnak March 10 ah mi dang zuamcawh tu um lo in a mah lawng mee pek in President ah an thim than hi a si.

Aluan cio kum October thla ah tuah mi Tuluk Communist Party tonpumhnak lio ah a mah cu Party Secretary kum 5 chung peh than dingin an rak fehter bal cang. Tuluk President Xi Jinping cu an ram chungah aa-na a tlai kho bik minung pakhat zong a si tiah kan theih.

Mon Ram Khan-Tin Hlei SAC Ralhrang Sakhan An Lak, 6 An Thi. Mon ramkulh, Ye (ရေး) peng Khan-tin hlei pawng ah ummi SAC ralhrang sakhan pakhat cu tualchung hriamtlai nih an laak caah 6 an thi, meiin kan khangh dih, tiah theih a si.

“Vaute[March] 10, zing ah SAC ralhrang 15 hrawng lawng an umnak sakhan cu kan luhhnawh hna i kan laak, 6 hrawng an thi tiah an fehter i, a tangmi an zaam dih caah an sakhan zong kan khanghpiak hna.

Tualchung hriamtlai him tein hnu lei kan kir kho” tiah Monster hriamtlai in ṭuanvo ngeitu pakhat nih a chim. Mah hriamtlai phu hi Mon ramkulh chung SAC ralhrang le palik sakhan hna a kap lengmang tu an si, tiah an langhter chih. Lungmili Post

Video link zohnak