STAR Vote ka fonh dih i thlau tuk in Napo Leon nih a tei dih hna, a changtu ah David a si i 3nak ah Tracy Lar a si. Si Mai Paw hi a tam bik 4nak a si ve. Ngun Lian Hmung kha ni 6 chung ah ni 1 lawng STAR Vote an pek, nain Van Mal Nei le Par Tin Tlem cu a lonh thiam thiam hna.
Winner Hi Judge Vote A Cheu, Mizapi Vote A Cheu Timi Kan Rule Ning Tein Thim A Si Te Lai
Napo Leon nih STAR Vote 1,000 a ngah lio ah Van Mal Nei le Par Tin Tlem khi 500 hrawng lawng an ngah kho. Napo Leon, David, Tracy Lar, Simai Paw le Ngun Lian Hmung nih STAR Vote ah tam tuk in an tei hna — judge pekmi mark le FB vote ah cun anmah pahnih an sang bik lengmang ko nain.
Winner hi judge vote a cheu, mizapi vote a cheu timi kan rule ning tein thim a si te lai. Rule ning tein mark sang bik nih winner a co ko lai. A buaimi zong nan tampi te fawn lai. Nain, top 15 finalists vialte khi winner ai tlak lomi pakhat hmanh an um lo. Aw tha bik ti ahcun Tedim pa Jason Ciim Lai khi a si, Saya NLH nih a tah dih cang hna.
Tutan hi aw tha bik le hlasak thiam bik nih winner an co lo kho men ko, atu kan rule ning in cun mizapi a hip kho bikmi le mi tam bik nih thazaang an pekmi nih winner a co te lai tiah ka ruah.
Theih awk: David khi a nu nih a thih tak cang, bawmtu unau le a rummi chungkhat a ngeimi zong a si lo, mi harsa ngai a si, nain mipi a hip khawh caah a rum lo nain STAR Vote ah mark sang bik 2nak a si thiamthiam ko.
Esther DCS zong kha MM Idol lio ah aw tha bik a si lo, Tan Khun Kyaw aw tha deuh. A rum bik zong a si hoi lo, Aye Myat Phyu a rum deuh. Nain mizapi a hip kho bik caah mizapi vote in winner a co ko kha. Salai Lungthli Tum