Vawlei cung hruaitu lakah khuaruah har in organizations kip nih an uar bik mi asi ko. Europeans ram pumpi caah President Zanlwnsky zeitluk indah a biapi tihi cu mah meeting pi nih fiangte in a langh ter i tehte a piah bak ko.
Ukraine President Volodymyr Zelenskyy European Parliament i mipi hmai ah bia a vun chim cu Parliament meeting kai mipi nih an hei lomh khawh ning cu khuaruahhar a si.
Tulio vawlei cung hruaitu vialte lak ah Ukraine President Volodymyr Zelenskyy hi power nei bik cu asi ko la tihmi cu European Parliament meeting nih hin a vun fianter ngai ngai. A tang video hi rak zoh ve hmanh a mak lawlaw khi asi. Video link zohnak
Relchap- Chinpyine, Myone Pa 8 Ahcun Mah Duh Paoh In Pathian Thangthat Khawh Si Ta Lai Lo
Martial law phuahnak Chin State ahcun Pathian thangthat duh zawng ah mah duh paoh in i pumhkhomh khawh si ti lai lo. A ruang cu SAC ralhrang lei nih Chinpyine Myone pariat ah Pathian thangthat a duh mi paoh nih zarhkhat ai duh ah ralhrang sin ah thawngthanh tuah hmaisa ding tiah order an chuah.
Chinpyine ahcun sunday zing Pathian thangthat a duhmi paoh nih monday ah ralhrang sin ah thawngthanh nak tuah hmaisa ding ti bak si ko cang. Uktu ralhrang bawi nawl peknak tello in cun pumh khawmhnak tuah ti lo ding in fabuary ni 13 ah khan order chuah a si.
Chinpyine ah SAC ralhrang nih sunday zing Pathian thangthat nak tuah a duhmi paoh nih ralhrang sin ah nawlnak tuah hmaisa ding in order a chuah mi khuapi hna cu Tidim, Tawnzang, Hakha, Falam, Thantlang, Mindat, Matupi le Kanpalet hna an si.
Cun zan suimilam 6 in zinglei suimilam 6 kar ah nawl ngeitu dah tilo ho hmanh chuahvah ti lo ding in order an chuah fawn. Cun zing suimilam 5 in zanlei suimilam 6 kar ah a tam bik minung panga nak hmunkhat ah i pumh lo ding tiah anti fawn.
