Bank pawl lak ah interest asang bik a peetu ram hna cu Zimbabwe, Brazil, Nigeria, Argentina, Belarus, Venezuela tbk ram pawl hi an si. Zimbabwe ram cu (150%-175%) tiang bank interest an kai ter. An ram inflation rate asang tuk. 150% interest rate ti cu $20,000 an bank ah na chiah ahcun, kum dih ah $50,000 ah ai cang lai ti kha asi ko.
A hram he akarh he. Brazil hna cu 16% asi i, $20K na chiah cun $23.2K na chuah than khawh ti pawl kha an si. USA ahcun bank pawl a sang bik interest hi 4.7% asi i, $20K na chiah cun kum khat ah a karh $950 lawng bak asi lai.
Brazil, Argentina, Belarus, Ukraine, Venezuela, Maldova, tbtk pawl hi mah tihin an ram ah phaisa achiami poh rate asang tak in an hmuh than dih. 10% – 20% kar an si dih. Kawlram i ralhrang ralbawi tampi le Cronies pawl khi Belarus ram ah an phaisa tamlak te an chiah tiah theih an si. A karh an hmuhmi hi kum khat ah a nepte lo.
Asinain, mah hi interest sangmi ram pawl hi uknak a ningcang tuk lomi, ram lawngte an si ve i, ramkhel dirhmun fek kho lomi, civil war le, corruption a tam deuhnak ram pawl an rak sive caah, an ram ah USA ram mi tbtk hna nih phaisa chiah ngam ding khi a har ngai ve. Vawleicung ram dihlak i interest sang bik Zimbabwe ram hmanh nih a karh hi a let khat le cheu 150% hi an pek khawhmi asi.
USA i business thami te le real estate thami te ah invest tuahmi pawl hi 3x return a hmumi an tam ngai. Phaisa kha Bank lawng ah chiah lo in rian an tuanter. Chaw let a thiam mi hna kut ah an phaisa rian an tuanter ahcun Zimbabwe ramnak in a let 2 hrawng tam in phaisa a karh khawh ve.
America ram ah hin Hedge Fund tiin, minung aa naihniam deuh i khawmh i phaisa bungh cio i, a hram an bunh. Hi hna pawl nih hin Real Estate le adang business tete an cawk, an thar chuah, an zuar than tbtk an tuah, cu pawl cu a let tamtuk an karh.
Mah cu bntk a bu in chawleh ttinak hi Chin mi zong kan phan kho rih lo. Kan phan kho ve te ko hnga lo maw? tihi ka ruat. Phaisa cu bank ah chiah peng in a karh te lai, tihi a dik lo taktak mi pomning asi. Bank ah him tein kan chiah ti zong hi a dik thlu lo.
Phaisa $20 nih a luan ciami kum 5 ah thil a cawk khawhmi kha atu cu $30 pek a hauh cang asi ahcun, $20 na chiahmi kha a zat ceu deng aman a ttum caah a him lo, azut, a tlek ti khawh asi. Cu caah, USA ram ahhin, Chin mi nih kar kan hlan hrim a herh mi cu Ahuaha lomi stock i zuarh tbtk si lo in), a fekmi chawleh tttinak ngeih kan herh.Peter Biak