A tlaang ka taar mi nan hmuh ah khin Miphun le ram caah khua a tuaktaan taktak mi nih cun nan theih fian cawlh lai ti ka zumh ko.”Zeidah’Vaurawng pawl le USA ka tahchunhnak hna hi a si ti mi hi na fian khawhnak ding ahcun a chungah na luh i hi ka ttial mi hi na rel dih hmasa a herh lai.
USA nih ram pakhatkhat a tuk doh tikah a tukdoh mi ram mipi pawl hna kha a langhtak hrimhrim hna lo,a doh mi mipi pawl nih din awk an ngeih khawhnak hnga tiin din ding ti a peek hna,ei ding a peek hna,damlo i zohkhenhnak caah sii le ai a peek chih fawn hna,cucaah a tukdoh mi ram mipi pawl an thinhung ko zongah USA lei a ttang mi an um pengnak khia si.
A tulio kan ram buainak kongah kum 2 renglo cuhlan kum 70 deeng kan mipi nih kan harminak in ram mipi nih harsatnak kan tong cuahmah lio a si.Hilio ah vaurawng cu kan mifiim hna nih dirh in rian an ttuan,Vaurawng nih heh tiah mitkuh fe in an tho,an tthu in ningzah zong an thei ve ko nain an chungkhar ca a si lo mi,kan miphun le ram caah tiin an cawlcaang i mipi zong nih an aunaak kha ruat in tangka tampi an thawh i
Chin pasalttha hna nih kan ral a si mi dohnak caah a herh mi cu an si khawhtawk in heh an bawmh hna,hi lio ah kan miphun pumpaak si hnaseh,a khua in si hnaseh ralhraang nih harsatnak a peek mi hna cu an sikhawh chungin bawmhnak an tuahpiak hna.Cucaah an rianttuan ning le an kalpi ning hi,USA Cozah cawlcangh bantuk ka tinak a si.An cawlcanghnak cungah upatnak ka peek peng hna.
Hibantuk in Vaurawng nih an au naak le an cawlcanghnak nan thei ko nain nan vai thawh riangmang le”Vaurawng pawl an rianttuannak tangka check khawh an si lo,an khualtlawnnak caah tangka an hman,tlaangau pawl hlawh an i pe,an mah nih heh tiah kan ralkap pawl an forh hna caah kan mino tamtuk an thi,tangka zong an sin ah pe ti hna hlah uh,tiah a phunphun in nan hei ti mi hna hi,ttha tein ruat hmanh!!!Ralhraang uknak hi nangmah ca le na chungkhar ca le na miphun caah hin na vuai rih lo maw?
HI raldohnak hi kan miphun nih a dongh hlanlo i tinh chih cang mi a si ti kha rak thei ko uh.Vaurawng nih a tlaang au cia nehnang kha phalh ti lo in,a au mi ah khan na chawva thawh,na thazaang thawh,Chin pasalttha tha pe,an caah thlacam,cucu na miphun kan ilawmhnak le kan raltei awlnak a si ko lai.Kailawm.TDT