Mindat ah bomb a thlahtu vanlawng khal tu a tlaih khomi paoh cu ting 500 man vawlei kan in pek hna lai tiah CDF mindat nih an thanh. CDF-Mindat thil tuah mi cu lung ahmui kho tuk eh.
Chin ramkulh Mindat peng Panpa khua ah jet vanlawng pahnih in bomb a vun thlatu vanlawng khaltu le tlangtla tu hna a tlaih kho tu hna cu ting 500 man vawlei kan in pek hna lai tiah CDF mindat nih april 19 ah khan an thanh mi hmuh khawh a si.
Vanlawng khal tu pilot hna cu Nay Win Kyaw le That Lin Maung hna pahnih an si, an mah pahnih hi Yak 130 vanlawng pilot an si ve ve, SAC ralkap sakhan umnak Ta ta U, Nay Pyi Taw le Hmawbe hmun 3 hna a tlangtlai tu SAC ralbawi Zay Yaw Naing kuttang ah riantuanmi an si hna i Zay Yaw Naing cu sakhan ah riantuan lio mi a si.
Mindat peng hmuitinh in a vun kaput hna le rianngeitu hna a tlai kho le hremnak a pe kho tu hna cu lawm man tangka ting 500 kan in pek hna lai tiah an thawng thanhnak hi a si.
Mindat peng panpa khua ah hin April 16 zaanlei suimilam 4 :00 pm ah hin Jet vanlawng 2 in bomb voi 17 a thlak caah hin ngakchia tel in minung 3 an thi I minung 7 hliam an tuar hna cupinah inn 2 a kangh I inn 7 zong a rawk tiah theih a si.LCBN