Kan theih dih cio bang in fabuary ni 14 cu Valentine’s day tiah auh asii, nungak tlangval tampi cu nuva sualnak tuahnak caanttha ah lak in caan a hmang mi tampi an um ni le caan a si.
Nungak tlangval tampi cu nuam emem in mah nisunglawi hi an hmang lio ah cheukhat nule pa caah mah Valentine’s day hi ttah-aihram nak caan ah a rak hmang mi tampi an um ni le caan a rak si ve.
Nungak tlangval tampi nih Valentine’s day cu nupa sual tuahnak caanttha ah lak in caan a hmangtu tampi an um lio ah Mizoram hmun cheukhat ahcun mino minung 1032 bak nih midang caah thisen hlut nak in caan an rak hmang ve.
Nang teh fabuary ni 14 Valentine’day zeitin dah na hman ve nangmah tein na nun kha i check tuah. Sual tuahnak i narak hman sual ahcun kum vawi ahcun mizo kan unau mino cheukhat nih an hman bantuk te khin hman khawh i zuam ve cang.
VALENTINE’s DAY Ka Hmuh Ning: Nihin cu Valentine’s Day kong ka rel, hmanthawk asinak aruang an tialmi aa dang lulh cio bantuk in ani caan zong aa lo cio hna lo. Aa lomi pakhat biafang an hmanmi tu cu ROMANTIC ti lengmang hi asi.
Romantic timi biafang achuahnak ka zoh than tikah ka fian ning ahcun Khrihfa zumtu tha asimi hna nih hloptlo ngaiin cawlcangh hnawh le sunlawih ding phun ah ka ruat lo.
Romantic biafang synonyms le Antonyms ka zoh than rih tikah afiang chinchin ka ti. Expression of love ti asi ve ko nain cu expression cu Romantic attitudes or movement asi.
Thailand cozah nawlngeitu nih Valentine’s Day hlan in Condom phawt an thawk in 95 million distribute an tuah. An langhter than rih mi cu, 2021 ah Thai nungakno tete (kum 15-19) karlak 24.1 nih nau an poi tiah ati.
Cu lawng hlah, nu le pa sualnak tuahnak nih a chuahpi mi le chonh khawh asi mi zawtnak sexually transmitted diseases (STDs) syphilis, gonorrhea, chlamydia, AIDS, le cervical cancer anei mi an tamtuk ti asi.
Cu caah nihin Valentine’s Day sining cuanh tikah le aa thawknak in nihin tiang an hman ning lungput zohtikah hei lomh tlak ding ngaingai ding Ni asi lai maw ka ti.
Biaknak lei mit in kan cuanh ahcun Valentine’s Day a lomh tuk mi hna khi azumhnak kongah aa thlahdah deuhmi an si kho asilo ah vawlei thil cawlcanghnak phunphai ah aa nuam deuh mi atlaichan deuh mi an asi rih kho men.
Biafunnak- Valentine’s Day hmannak ruangah mino tampi nunnak a rawk ti afiang ko, kan nungak tlangval tampi nih ningcang loin an hman ruangah khrihfa biaknak mit in cuanh ahcun Valentine’s Day cu Zumtu nun hrawktu/ kan ralpa sehtan hriamnam asi tiah ti khawh asi.
V.Day zong hi Khrih sin arami dawtnak lungput he hman ahcun theipartha tampi achuahpi ko lai. Amahbel hmanning lungput hi thuk tuk in aa palh cang ruangah zumtu fanu fapa caah cun tlaihchan tlak Day ah ka ruat lo. Ceuuk