A pawngkam hremtu le dengtu nak in a hmailei a kalnak lam kha a zoh deuh. A hmailei hmuitinhmi zoh in a kal.
Rangtuk in a kal lo nain hnu tawn lo tein hmai ah a kal peng. A putmi Vanlam thing a ritmi ah a buai lo, Vanlam tung phen ummi thluachuah kong a ruah tikah a phorh rih a thei lo.
A rit tuk, ka celh lo, za cang seh a ti lo.Midang kha rak ka chawng uh a ti bal lo, a lam dongh tiang a mah te nih a Vailam kha a phorh.
A pawngah zeibantuk buainak le soiselnak kha a zoh lo. A ruat fawn lo. A hmuh zong aa hmuh ter lo.Midang nih zeitin an hmuh kha biapi ah a chia lo a hmai kalmi Khrih tu a buaipi deuh.
Kir aa tim bal lo, thih tiang kal aa zuam.Ban i vawr in a kal lo, a lukhun buin a Vailam a phorh.A au khuang lo, dai tein a Vailam cu a phorh.A ni lo nain a tap hlei lo.
A thlan a chuak nain aa nuam ko.Mi hnu zul a si lo, mi hmai a kal a si.A soisel tu poh a hnu zul an si.Zeituk an hrem len zongah mi a letrul lo. By: TCThang