Central Lairam, Lawngtlai, 2023 Vaupi 12: ”Chin National Defense Force (CNDF) ralkap, Salai Khuang Tin Sang kum 22 cu amah nih bia aa kam bantukin ram le miphun caah ralram i rian a țuan cuahmah lio 2023 Vaupi 10 Falam peng Vaar ralhraang riahbuk laknak ah a nunnak a liam.
Miphun dohthlennak caah aa pumpeknak cungah CNO/CBDF nih upatnak sangbik kan pek i, kaltak mi chungkhar tluk in kan tuar ve. Chin paralțha kan miphun ralkap Salai Khuang Tin Sang, ram le miphun caah naa pumpeknak hi na kaltakmi na țuanhawi CNO/CNDF nih kan philh lai lo.
Thahrum hmang in nawlngeihnak laktimtu ralhraang an cimih tiang kan run doh lai tiah a kan kaltak cangmi hna na țuanhawi paralțha hna le na minchalh in bia kan i kam” tiah CNO nih cathanh an chuah. The Lairam Times