USA, British le France ram hna telh in vawleicung ram tampi in Ambassador zung rianṭuantu hna nih April 23 ah Sudan ram cu an chuahtak cang, tiah theih a si.

A luancia April 15 in Sudan ram Reserve ralkap le a ṭuan liomi (active) ralkap kar ah kahdohnak a rak chuak. Kahdohnak a zual tuknak hmun Khartoon khua um Ambassador zung rianṭuantu tampi cu Sudan ram in an chuak cang, tiah theih a si.

Sudan ram um American Ambassador le zung rianṭuantu hna cu April 23 zanṭim ah USA thiamhlei ralkap hna nih, Helicopter in suimilam pakhat chung an thiar hna nain US rammi tampi an taang rih, tiah theih a si.

Sudan ram kahdohnak ah rammi 400 nak tlawm lo an nunnak a liam cang i, Sudan ram vanlawng bual zong khar ding tiang dirhmun a phan. Cu pin ah Sudan ramchung lam cheukhat zong ralkap nih an kham cang, tiah theih a si.

2021 October 25 ah ralkap nih, nawlngeihnak an laak hnu in mizapi cozah ser ding in timhtuah a si ko nain caan a rauh tuk caah ralkap le ralkap kar kahdohnak a chuah hi a si, tiah theih a si.

By admin

Leave a Reply

Your email address will not be published. Required fields are marked *