Pathian duh taktak tu, Pathian hal zungzaltu pawl nun hi aa dawh in Pathian Thlarau nih zeitluk in dah an nun di a riamter hnga mu. Tulio US ram Asbury Universiity ah Revival tlung cuahmah mi cu nikhat hnu nikhat mipi a fuhpanhtu an karh chin lengmang tiah theih asi.
Chile ram i Pastor pakhat cu Assbury University Revival tlun nak hmun ah kal a duh caah an ram in US ram tiang vanlawng tiket lak nak ding phaisa a neih lo caah a mawtaw a zuar i cu a zuar mi mawtaw man cun tiket a lak i Asbury University Revival tlunnak hmun ah a va kal.
Hmanthlak i ka kan hmuh mi holh lettu khi Jeannine Carol Brabon a si i, kum 1970 kum ah khan Asbury ah Revival a rak tlung i mah li ah a rak um cang mi nu asi. Mah nu nih hin kum 50 hnu ah mahka hmun ah hin Revival a tlung tthan ding in Pathian ah a rak hal tiah theih asi.
Pathian biatak theih a duh taktak tu hna nun cu Sazuk nih rialti dai a ngaih bang in maw Pathian kan nunnak nih nangmah cu an ngai tiah SAM 42:1 ah a rak chim mi bantuk khi an si. Chile pastor zawng khi Pathian bia cu Sazuk nih rialti dai a ngaih bang in a ngai mi asi ti el awk ttha lo asi.