US ah bank ngan bik 2nak a simi Silicon Valley Bank cu tuanvo ngeitu hna nih rian tluang tein kan tuan khawh nak hnga $2.2 billion kan herh chap tiah zapi sin an chim caah phaisa chiahtu an thinphang, rianrang in phaisa an chuah cio i ni 2 chung bak ah $42 billion bak an chuah caah an bank a thi beh ko.
Atu hi US ah cun ‘an thi ve sual lai’ tiin bank hme deuh zumh lonak a karh tuk, phaisa an chuah cio i a thimi bank an karh rih kho tiah ruah asi. Bank an thih chap nak hnga lo President Biden nih biatak ngai in ai zuam cuahmah ve.
Kannih Myanmar zong ah mah zawtnak hi kan rak tuar bal ve, 2021 aana ting hnu in dohthlennak phu hna nih bank an thih nak hnga an rak i zuam, bank in phaisa chuah dih ding mizapi an forh.
Cutikah bank in phaisa chuah awk a um ti lo i mah pumpak phaisa kha puaisa pawl 12% tiang pek in rak chuah cio a si. Sifak caah cun a rak har hringhran. Atu kum 2 hnu lawng ah bank pawl tluang deuh in rian an vun tuan khawh than hi a si.SLTT