Lai Idol cu mi tampi nih an Judge te Lai holh an thiam lo tuk, Chin Star hlasak ai zuammi an tluk lo tuk tiah comment a pemi tampi an um.
Minung cu ho hmanh a tlamtling mi kan um lo, a zungzal i an hman mi zawng si lo mi khi tluk Laiholh an holh khawh hmanh khi lomhpi deuh ding an si tiah ka ruah.
Tutan Lai Idol an tuahmi nih khin zeitluk in dah kan Laiholh a hei tthancho ter ngha timi ruah ah khin thazaang pek lo awk le lomhpi lo awk hrim khi an ttha lo. Mah caah soisel tu si lo in thazaang petu si khawh i zuam cio hna u sih.
Tuzan Lai Idol Season-2 Second round zan thumnak ai zuammi hna lak ah Judge te nih comment ttha bik an pek mi cu “Zionpar Hlichal” Sangau-IV khi asi. Judge te comment pekmi ngaih tik ah tuzan ai zuam mi vialte ahcun a ti ttha bik asi.
A mui zawng ai za, cun a aw zawng ttha, hla thim zawng a thiam fawn. Hi bantuk hlasak zuamnak ahcun hla thim thiam khi a biapi taktak mi si. An mah law an aw he ai tlak mi thim an thiam ahcun mah cucu a biapi taktak mi si.