Tutan Salai Lungthli Tum nih a tuahmi Chin Star hlasak zuamnak cu zohtu le thaazaang petu an tam kho taktak. Munite tlawmte chung ah comment tu le like petu an hei tam khawh ning cu khuaruahhar lei khi asi.
Tuzan Chin Star hlasak zuamnak cu hlasatu zawng an thiam, Judge lei zawng ah thiam, Misic hrim an vun thlen hnu cun anmak lawlaw bak khi si. Host hrim uar an um tuk!
Tuzan ai zuammi vialte lak ah mipi lungthin a la kho bik tu cu kan farnu Par Tin tlem a si ti u sihlaw kan palh lai ka zum lo. Hi nu top 10 a luh lo ahcun online cung ah buainak chuahpi hau la. Video link zohnak
Adang relchap- Miphun pasaltha kan sung ruangmang mu.. Minung nunnak caan a tawituk hringhran e mitha mifel, nunnem pasaltha aw. Miphun Pasaltha Chinsalai Aung Saya Aung Thu nih an kan liam tak timi ka theih cu a poi ka ti tuk ve.
Saya Aung Thu le keimah hi Bangalore ah Sianginn kai tti khat, hmunkhat te ah Sianginn a dih mi kan si. Mi nunnem, mitha, mifel a si lawng si loin a hmurka in biahrang, holh hrang zeitik hmanh ah achuak bal lo.
Kum tampi kan i tong ti lo. Naitan Victoria Base ka tlun lio ah ruah lo pi in kan i tong, kan riantuan mi kong veve kan i ceih i a thanuam tuk ve. Pasaltha miphun caah a si khawh chung in a cawlcangh nak ruang ah upatnak ka pek nak tete zong sunglawi tuk in kan i ruah..
CNF Party ah lutlai pakhat a si ve bantuk in tutan zong Miphun kong ah khual a tlawnnak ah ruah lo tuk in thisen in a luak i nihin ah an kan liam tak ti asi.
Nunnak caan a tawituk, a nupi le a fale ruah ah thinlung a fak hringhran. R.I.P Pasaltha Salai Aung Tu, Miphun rian an nunnak dih tiang na tuan.