Tutan Kalaymyo in Laitlang lei ah a kai cuahmah mi SAC ralhrang hi tluang tein Hakha an phanh khawh ahcun lungrawk ngai ngai a si la. Falam lei kan unau hriamtlai phu hna an rak kah i anrak kham bak ding an si. Ralttha tein kan pasalttha hna nih rak kham hna sehlaw an hriamnam vialte khi lak piak dih hram ko hna seh.
![](http://www.khuaruahhar.com/wp-content/uploads/2023/03/deeee-300x176.png)
Nan lautuk sual lai caah photo le video chung i nan hmuhmi khi tank asi lo ti kha rak thei cio te u. Hi pawl hi cu tank nak in tihnung lo deuh mi armoured vehicle nak hmanh in a niam deuh rihmi “armoured car” an timi asi.
Tutan ralhrang nih Chin State i a vun katter mi hi kum 50 luan cio i Brazil nih a rak siammi “EE-9 Cascavel” timi asi. “Cascavel” tihi Portuguese holh a si i a ruul meicar (rattlesnake) tinak asi.
RPG 7 asiloah sniper tha deuh mi nih cun a kah ai tha lo tukmi asi. Asinain AK-47 le G-3 hrawng cun rak kap duh hlah u a hlan kho lai lo. Cascavel a derthawmnak bik cu tank taktak bantuk in a thir a chah lo, a mongtu khi a hmailei miakpi tang zawn ahkhin a um i RPG le sniper in puak viar in kah khawh a si hmaitonh tein cun.
Cun a tlang a harnak zawn tete khi a thazaang a dernak asi ti asi. Cascavel hi a chiatuk caah ramtha deuh nih cun an cawl lo, Iraq, Colombia, Libya le Myanmar hrawng lawng nih an hman duhmi a si.
Cucaah rak tihtuk duh hlah u, RPG in rem tein nan kah khawh tukmi asi ko a sasual nak deuh ah. Cun ralkap motor ngaingai siloin private truck/lorry hlan mi deuh an lo, chin duhmi cu ralkap motor hring pipi khi an si lo ti bia.