A Poi Ngaingai Ko. Asinain Thazaang Kan Laaknak AH Cang Ko seh; Nichiar in kan ram chungah i kahnak cu a chuak chin lengmang. Tuzing 2Aug 2023 ka te zongah Chinram,Tonzang khua ah i kahnak a chuak

Ralhraang lei nih a remcaan ning paoh in mipi lei zong thlu lo in meithal an thlah thluahmah caah Tonzang khua chung in,Mang Sian Kum 27 cu ralhrang hriam nih a khen sual caah a nunnak a liam e tiah theih a si.Chin pasalttha hna,Bawipa nih in veng chin ko hna selaw.

Tonzang Kahdohnak Ah Chin Ralkap Salai Lalramchuana Nih Ram Ca Ah Nunnak A Pek! Nizaan August 1, Chin ramkulh Tongzang khuachung Chin ralkap le SAC ralkap kahdohnak ah CDF- Hualngoram ralkap Salai Lalramchuana a nunnak a liam tiah theih a si.

“Tonzang khuachung ummi SAC ralkap kan va luhhnawh hna i kaphnih kar kahdohnak ah kanmah lei in pasalṭha pakhat nih ram ca ah a nunnak a pek, SAC ralkap lei in a thimi le a hliammi an tam nain fiang in theih a si rih lo,” tiah Chin ralbawi pakhat nih The Chin Post ah a chim.

Nizaan Tongzang khuachung kahdohnak ah CNA, CDF- Hualngoram, CDF-KKG , CDF- Tonzang le PDA hna an i bawm, tiah theih a si.R.I.P

By admin

Leave a Reply

Your email address will not be published. Required fields are marked *