Htilin Peng Ah Kahdohnak A Chuak I SAC Ralkap Lei 3 An Thi I Meithel 1 Lak Khawh A Si, Sagaing Peng Ah SAC Ralkap Cu Bomb An Puah Hna.
Magwe le Sagaing ramthen a tonnak, Htilin peng,Punetaungnat chak ah SAC ralkap le Htilin-PDF kar kahdohnak a chuak i SAC ralkap lei 3 an thi.Meithel 1 le kuan pawl zong lak khawh a si tiah Htilin-PDF sinin theih a si.
February 26 Htilin peng,Kyinn nichuah lei kap Punetaungnat chak ah runvennak a tuah mi ကပစ-၂၄ i SAC ralkap le Gangaw peng battalion-2,4,10 i runvennak phu cu hmai tonh in an i ton caah kaphnih kahdohnak a chuak i SAC ralkap lei 3 an thi i MA-11 meithel 1,kuan bawm 3,kuan 80 le tai sawm equipment pakhat zong lak khawh a si tiah theih a si.
Cun Sagaing peng,Ohntaw-Kyaukse kar lam ah SAC ralkap mawtaw 3 cu nizaan ah bomb an puah hna i SAC ralkap lei a thi mi le a hliam mi an um kho tiah mipi vengtu phu sinin theih a si.
Nizaan February 27 chun sml 12:50 ah Sagaing brigade-33 i SAC ralkap nih an rak zulh mi mawtaw 3 cu BLACK CAT (SGG) nih bomb an puah hna i mawtaw 1 cu a khen caah tam hliam an hmu i a thi mi zong an um kho tiah theih a si.
Bomb puah ruang ah SAC ralkap mawtaw pakhat i a hnu lei ah a thu mi SAC ralkap 3 cu an i hlawnh dih.A Hmai ah a thu mi pakhat zong hliam a hmu.Cu mawtaw run cu bomb puah an si hnu ah hmai ah kai ti lo in an dir i a pawngkam cu kawl in ruahdap in an kah tiah theih a si.(Crd. Cbn)