Tuni SAC Ralhrang Nih Chinram Chungah Vanlawng He Bom An Thlak Mi
Nihin Chinram ah, Min Aung Hlaing uico. Ralhrang nih Vanlawng le helicopter in bomb a thlakmi.
1. Tlangpi pawngah a thlak
2. Ramthlo le Zinghmuh tlang ah a thlak
3. Waibulah khua ah a thlak
4. Vaar ah a thlak a thlak
Ralhrang nih phaisa a hmannmi hi a man in tuak ahcun, a tam kho taktak. Thazaang a hmanmi zong a tam taktak. Mindat/Matupi lei, Gangaw lei zong ikahnak a dailo.
Ramthlo pawngkam ikahnak a turu. An mawtaw zong ceilak an hrawh cang, a thimi le hliamtuar zong an tam. Kanmah lei zong miphun le ram caah nunnak a pemi le hliamtuar an um ve. Inn an khanghmi zong a tlawmte lo.
Waibula khuami kan in ngaihchiatpi hna, Bawipa nih inhnemh hram ko hna seh.
CNDF nih Vaar ralhrang sakhan an lak cu lawmh a umtuk hringhran, hinak thawng chinchin ko hna seh.
Kan ram le miphun caah nunnak a pemi le hliam a tuarmi vialte upatnak kan in pek hna.
Kan Miphun Ralkap vialte, Bawipa nih a thledem in inhuhphenh camcin ko hna seh.
Dohthlennak cu kan theih cia bang, a man a faaktukmi asi. Kan lung dong hin hlah seh. A lamkip in kan tangrual chin hna lai.
Relchap- Meithal Kahnak A Chuak Minung 74 Naak Tlawmlo An Thi
Vaupi,6/7/8 chung ah Nigeria i Benue peng hmunhnih ah kan hnu zarh chung khan ho ti theih lo miethal keng phu cawlcanghnak in minung 47 naak tlawmlo an nunnak a liam tiah theih asi.
Benue peng Uktu Pawl Hemba nih a chim ning cun, Vaupi,6 cacawn ninga ni a nihkhatnak meithal khuachung ah kahnak in mi ruak 46 hmuh asi i, Vaupi,7 zan ah meithal kahnak a chuah ṭhan i mi ruak 28 hmuh a si ṭhan tiah a chim.
Hithil a caanning hi theihfian a si rih lo asinain, mit hmutu nih an chim ning cun meithal keng tu hna nih hin khuachung ah an duh ning paoh in meithal an kah tiah an chim i, Hi lio caan ah hin Vaupi, 8 zarhteni ah khan Zamfara peng ah meithal keng phu nih tualchung mi 80 tluk an fir hna tiah an langhter. Reuters