Tuni kawlram thawngpang tampi lak ah mipi nih an rel duh bik mi thawngpang panga hna cu a tanglei pawl hi an si.
1. SAC nih Thantlang Khuachung Le CNA Sakhaan 1 Vanlei In Bom A Thlak.
2. Hleku Peng Ah kum 3 Hngakchia Tel In Chungkhar Minung 5 Thah An Tong.
3. Magway Ramthen Ah A Um Mi SAC Ralkap Cu An Doh Hna I SAC Ralkap 11 An Thi.
4. Monywa Ah SAC Ralkap Cu An Doh Hna I SAC Ralkap 2 An Thi.
5. China Ah Vawlei Cimhnak A Cang, Minung 4 Nunnak Liam, 40 Leng An Tlau. China, Inner Mongolia hmunhma ah lungmeihol khur an cawhnak ah vawlei nih a cimh hnawh hna tiah theih a si.
Cu ka hmun ah rian a ṭuanmi hna cu mibawmchantu phu minung za reng lo nih nihin February ni 23 tiang an kawl hna. Cu thil a can hi February ni 22, zanlei suimilam 2:00PM ah a cang i, vawlei cimhnak a cannak hmun ah bawmhchanh colh ding in China president Xi Jinping nih nawl a chuah.
Vawlei cimhnak ruang ah nihin tiang ah hmuh khawhmi ah minung 4 nunnak a liam cang, minung 6 nih hliam an tuar i minung 49 an tlau tiah China cozah CCTV thawngthanhnak nih a langhter.
Hliamhma tuarmi minung 6 cu nungdam in kan chanhchuah khawh hna tiah China ngandamnak lei commission nih February ni 22, zanlei ah a thanh. A tlaumi minung kawl cuahmah lioah vawlei cimhnak a can ṭhan caah bawmhchanhnak tuah ding in bawmtu hna zong harnak an tong.
China president Xi Jiping nih cun vawlei cim a chuahnak hmun ah bawmhnak le a tlaumi minung pawl kawl ding ah February ni 22 ah a chim tiah China cozah thawngzamh ca nih a langhter. TCP