A tang thawngpang CBN Daily News nih a vun langhter pahnih hi tuni kawlram thawngpang tampi lak ah theih nuam a taktak mi thawngpang pahnih cu an si.
1. Yinmabin Peng Ah A Um Mi အမေရေယာဥ် နတ်နန်း Pawng Ah Kahdohnak A Chuak I SAC Ralkap 5 An Thi. Sagaing ramthen, Yinmarbin peng ah a um mi အမေရေယာဥ် နတ်နန်း pawng ah kahdohnak a chuak i SAC ralkap 5 an thi tiah KLG PDF i tuanvo ngeitu pakhat nih a chim.
March 1 zing sml 9 hrawng ah Yinmarbin peng,Kone khua mei khanghnak in a rak chuak mi SAC rallamsiak ralkap cu mipi vengtu phu nih Kone khua le Sartawpin khua khar အမေရေယာဥ် နတ်နန်း pawng ah an doh hna i cu kahdohnak cu sml 2 hrawng a rau i SAC ralkap lei 5 an thi i tam hliam an hmu tiah theih a si.
Kahdohnak chung ah Yinmarbin peng chung um SAC ralkap nih 120 MM in kah an bawmh hna ruang ah mipi vengtu phu lei in 1 hliam a hmu tiah theih a si.
Cu kahdohnak cu KLG PDF,ULF tantiphu a si mi DBTF,Alpha Special Force, Truth Of Force,Chindwin ဂဠုန်ရာဇာ, Yinmarbin Local (PDF), Triple Two, Yoma Fighter battalion (ဗိုလ်မုတ်ဆိတ်တပ်ခွဲ), ဗျတ္တညီနောင်, Yadanapone phu, ချိုမိုင်မိုင်, Chindwin Tiger Force, Chindwin Tiger(LPDF), Htantabin(LPDF), GZ 21(Yinmarbin), Yinmarbin PDA, B 21 (PDF),MRDA battalion (Double K) tantiphu pawl i fonh in an doh mi hna a si tiah KGL PDF tuanvo ngeitu pakhat nih a chim.
2. Bago Yoma Chung Ah Rallamsial Ding In A Ra Mi SAC Ralkap Mawtaw 1 Cu A Let I SAC Ralkap 5 An Thi. Bago ramthen, Thayawaddy pengkomh, Minhla peng nichuaklei kap Bago Yoma chung ah rallamsial ding in a ra mi SAC ralkap mawtaw 1 cu a let i SAC ralkap 5 an thi tiah mipi vengtu phu sinin theih a si.
March 2 zing sml 4 hrawng ah Minhla peng nichuahlei kap Bago Yoma chung ah SAC ralkap mawtaw 3 cu rallamsial ding in Minhla-Myochuang lam ah a um mi ခါချဉ် tlang an kai lio ah SAC ralkap mawtaw 1 cu a let i cu mawtaw a cit mi chung in SAC ralkap 5 an thi tiah theih a si. Cu an i lehnak hmun cu a hlan tein mawtaw an i leh pengnak a si.
Tuni zinglei ah Minhla Bago Yoma chung cu rallamsial ding in a rak kai mi SAC ralkap mawtaw 3 cu Minhla-Myochuang lam ah a um mi ခါချဉ် tlang cung an kai lio ah SAC ralkap mawtaw 1 cu a let i SAC ralkap 5 an thi” tiah mipi vengtu phu pakhat nih a chim.(Crd.CBN DN)