Salai Thawng Lian Mang Miphun Le Ram Caah A Nunnak Liam. Miphun le ram damnak ding caah CNF/CNA ah rianțuan mi Salai Thawng Lian Mang cu dohthlennak i bia aa kam bantukin ralhraang doh ding le Federal Ramkomh ser thannak ding ca i ral a doh cuahmah lio 2023 Vaupi 21 zinglei ah ralram hmun pakhat ah ram le miphun caah a nunnak a pekmi cungah upatnak kan pek.
A dih rih lo mi ralhraang dohnak ah na tantakmi na tuanhawi vialte nih pehzulh in kan doh lai tiah, Supreme Council Chinland Defense Force Zotung Organization nih upat peknak he cathanh an chuah.The Lairam Times
CNA Brigade 4 Ah SAC Jet Fighter Nih Bomb A Thlak, CNA Bawino A Nunnak A Liam. Nihin April 21, chun suimilam 11:45 hrawng ah Chin ramkulh, Tedim peng CNA Brigade 4 hmunram ah SAC ralkap Jet Fighter nih bomb a thlak tiah theih a si.
Nihin chunlai suimilam 11:45 hrawng ah SAC ralkap Jet Fighter nih Chin ralkap umnak camp cu bomb voi khat a thlak, voi khat hung i let ṭhan in suimilam 12:00 hrawng ah a voi hnihnak a thlak ṭhan tiah theih a si.
Chin ralkap hmunram ah SAC ralkap Jet Fighter bomb thlaknak in Chin ralkap Bawino Salai Ko Ying (kum 23) nih ram le miphun ca ah a nunnak a pek, 5 nih hliam an tuar tiah theih a si.
CNA Ralkap Sergeant Mai May Kan Huih cu CNA Battalion 4 Camp ah SAC Jet Fighter nih bomb thlaknak in hliam a tuar i sii-inn a phanh hnu ah a nunnak a liam. A mah hi sii lei ralkap a si. Video link zohnak