Hakha an phak zan ah Laura nih a mithli he, “kata, hi mi hna sin ahhin thih hlan tiang cun kan um kho lailo”, tiah ik lengmang in a tah hnawh.
Carson nih “Ka dawt tap len ti hlah, thaizing ahcun mu, khua a dei te ko lai, kan biakam kha ruat law”, tiin a tangnem ah a pom pah in, a biangno cung i a vun luangmi a mitthli cu a hnawh piak. Rev. j Biak Peng hla phuahmi chungin ka hun char.
Rev. Arthur Carson le Laura Carson cu Khrih thawngtha karhter dingah March 15, 1899 ah Hakha an rak phan. Laura nih a tah hnawh caah, “thawnnak a ka petu Khrih thawng in zeithil poh ka tuah khawh ko hna, hihi philh hin hlah”, tiin Carson nih a hlemh.
Tedim peng, Khuasak khua in Pau Suan le a nupi Pi Kham Ciang, Pu Thuam Hang le a nupi Pi Dim Kho Cing hna cu zumtu hmasa bik an rak si i, Rev. Dr. East nih May 11, 1905 ah tiphilhnak a rak pek hna.
Hakha lei ahcun Pu Sia Khaw cu zumtu hmasa ah a cang i Rev. Arthur Carson nih January 1, 1906 ah tipilhnak a rak pek. Siangbawipa Carson cu kan kan ram ah a nunnak pek. Tuni hi Hakha an ke in an lamh “Kum 124” a tlin ni asi.
Rili ral meng thong tampi in, Khrih thawngtha an kan phurh lawng siloin fimnak le thanchonak a phunphun in lam an rak kan hmuh sak.
Anmah thawngin Sertu Pathian kan hngalh i, a lamkip in kan hung thangcho. Philh awk a tha lomi tuanbia asi. Carson le Laura kong hla an sakmi tete ka hun thil chih.
VIDEO-1
VIDEO-2
VIDEO-3
Laknak: Ram Tinthei