SAC Nih Mei An Khanghnak Kata Peng Ah Ruak 7 An Hmuh. Sagaing ramášhen, Kata peng Inkyi khua cu SAC nih an luhhnawh i an kir hnu ah meithal he kah a tongmi ruak 7 kan hmuh tiah Inkyi khuami hna nih February ni 15 ah an chim.
![May be an image of tree and outdoors](https://scontent.fdel7-2.fna.fbcdn.net/v/t39.30808-6/330984984_1215010366051711_6212690214386726008_n.jpg?_nc_cat=100&ccb=1-7&_nc_sid=8bfeb9&_nc_ohc=wiajyGc1-MEAX_0Ft0p&_nc_ht=scontent.fdel7-2.fna&oh=00_AfDUrfxIqTDgSXYalinzRo4AbqqiGq0q9Th89GqS3zz20Q&oe=63F342E9)
Kum 18 tluk hrawng simi pa ruak hmuh an si nain Inkyi khuami an si lo tiah tualchung mi pakhat nih a chim. “Minung 4 ruak hi hmun khat ah kan hmuh, cun 3 ruak hi a dang hmun khat ah kan hmuh.
Inkyi khuami cu an si lo, SAC nih an rak i hruai mi hna an si kho men, shower kedanh an i danh hna i mino tete an si. Ruak kan hmuhmi hna hi SAC nih an rak i hruaimi Shan ram chaklei Mabein peng Ngao khuami an si kho” tiah a chim.
SAC nih February ni 11 in 14 tiang Inkyi, Mayngo, Tattoelay, Tayakone khua hna cu luhhnawh in tualchungmi umnak inn a khanghpiak hna caah khua li ah inn 700 hrawng a kaang tiah tualchung mi nih an chim.TCP