Tuni 31.7.2023 ah Tualcheng khua mi Pu lalremruata cu ram ah mehhang kawl in a kal nak ah Pu Romana ram vak nih saza ah a rel sual caah a kah i a nunnak a liam tiah theih asi.
A ttang bak ah a kah sual caah a hmun ah a kaa hmanh chawn manh lo in a nunnak a liam tiah theih asi. A kap sual tu le a kah thih mi hi Tualceng khua veve an si.
Pu Lalremruata kaptu Pu Romana hi chungkhar naih niam ngai mi an si hna tiah theih an si. Pu Lalremruata nih hin nupi nei mi asi i fa pathum an nei tiah theih asi. Tan tak mi chungkhar Bawipa nih nan ngaihchiatnak in hnem ko hna seh.
SAC Nih Thla 6 An Sauh Chap, Nihin NSDC Meeting Ah Henry Van Thio Aa Tel.July 31, nihin ah SAC nih National Security and Defense Council (NSDC) meeting an tuah i State Emergency caan thla 6 an sauh than tiah theih a si.
SAC nih an thanh ning ah tutan thla 6 an sauh chap mi hi 2008 phunghrampi poh-mah 425 cherhchan in kan sauh ti a si.Nihin NSDC meeting ah caansau ngai a lang ti lo mi Pu Henry Van Thio zong aa tel ve.
Ti A Lianh Ruangah Gangaw Peng Ralhrial Mi Hna Umnak Inn 20 Le Chi Dum Acre 100 Leng A Rawk!
Nihin July 31 ah Magway ramṭhen, Gangaw peng ah ruahpi fak tuk in a sur ruangah Tinle tiva le Laungkat tiva an lian i, ti lian nih cun Htayhlaw khua ralhrial hna i dornak inn 20 a hrawh pinah Chi cinnak hmun acre 100 renglo a hrawh chih, tiah tualchung mi hna nih an chim.
Tuzing deilei suimilam 1:00 in 3:00 tiang fak ngai in ruah a sur ruangah ruahlo piin tiva ti cu an lian, tiah khua mi pakhat nih RFA ah a chim.
Ralhrial hna i dornak inn an rawh pin ah facang le lo rian ṭuannak ah an hman mi thilri vialte zong ti nih a fanh dih. Tutan tilianh bantuk hi cuhlan kum 30 chungah kan tong bal lo, a voi khatnak kan ton a si, tiah tualchung mi nih an chim.
Tiva kam ralhrial mi hna i dornak inn 20 ti nih a fanh ruangah milu 100 renglo cu eidin, hnipuan le caan karlak an i dornak ding, a rannak in bawmhchanh kan herh ko, tiah tualchung mi nih RFA ah an chim. The Chin Post