Nithaizing Ah CNA Ralkap Pahnih Nunnak Liam. Central Lairam, Lawngtlai, 2023 Vaupi 14: East Lairam hmun pakhat ah nithaizing 2023 Vaupi 14 ah CNA ralkap Salai Van Biak Thawng le Salai Shine Htet Aung (Zotung) cu miphun le ram caah an nunnak a liam.
East Lairam chung hmun pakhat a si ve mi Falam-Hakha kar ah ralhraang le Chinland ralkap fonh hna kar ah kahdohnak a fak ve fawn.Vaute 9 ah Kalay in Hakha lei ah aa thawhmi ralhraang hna cu Vaupi 14 tiang ah Hakha an phan kho rih lo. The Lairam Times
Kan miphun ralkap khualipi ah pastor a kan ttuan piaktu Rev. Tluang Hre hi an chungkhar bak in miphun caah nunnak thaptu an si. Mah hi nifatin bullet bullet vest le Bible cauk he Frontline ah kan ralkap hna thlacam piak pengtu a si.
A fapa sunghar Van Van hi miphun caah caan saupi ralkap a tuan hnu ah, nihin ah miphun caah a nunnak a hun pek rih. An nih le bang hi cu miphun dang sin ah Drone lei thiamnak tha tein a cawngmi le miphun ralkap nih bochan tlak in Drone lei thiamnak a ngeimi a si.
Rev. Tluang Hre te chungkhar upatnak sang bik kan in pek hna. Bawipa nih nan mitthli an hnawh piak hram hna seh!