Trump Nih Suimilam 24hrs Chungah Russia le Ukraine Buainak Ka Daihter Lai Tiah A Chim
Donald Trump, President ah Ka Tlin Ahcun Suimilam 24hrs Chungah Russia le Ukraine Buainak Ka Daihter Lai, Nizan ah Britain’s GBNews le Nigel Farage ah achimmi cu, President ah thim ka si ahcun suimilam 24hrs chung bakah Russia le Ukraine kar buainak pi hi ka daihter lai. Aruang cu, Ukraine President le Putin he tha tein aa thei hngalmi kan si tiah a chim.
Kumkhat renglo aa do cangmi ram pahnih ka daihter khawh lai tiah fawi tein a chim tikah Trump nih zeimaw achung thil ah tuah khawhmi a nei ngai hnga maw tiah tampi nih an ti. Nain Trump nih cun suimilam 24 chungah ka daihter lai tiah a ngamh tuk. GOP 2024 candidate Vivek Ramaswamy nih ati vemi cu, Keimah hi thim ka si ahcun, Kyiv hi hriamnam kan pe ti lai lo nain, Russia nih Ukraine a tei cu asi kho lai lo tiah a chim ve.
BungPi Post– Shwebo In A Chuakmi SAC Ralkap Bomb Puahhnawhnak Ah Ralkap 4 An Thi !! Sagaing ramṭhen, Shwebo khua in a chuakmi SAC ralkap cu bomb in kan puahhnawh hna caah ralkap 4 an thi, tiah Black Wolf Army nih an langhter. May 3 zing suimilam 6:00 hrawng ah Shwebo sianghleirun sianginn ah umhmun a khuarmi SAC ralkap 45 hrawng nih, tualchung mi an tlaihmi hna cu Ungpauk khua lei ah an kalpi hna i, Ungpauk khua lai ah an thlah ṭhan hna, tiah theih a si.
Tualchung mi an thlah hna hnu ah SAC ralkap cu Ungpauk khua nichuahlei an kal lioah lamhruang in Black Wolf-Army le Who Am I-Army nih bomb in an puahhnawh hna i hriamngan le hriamhme zong in an kah hna caah SAC ralkap 4 an thi, 3 hliam an tuar, tiah theih a si.
Cu an i kahdoh lioah Shwebo raltuk cawnnak No. 8 in Kyaukmyuang khua um Khah Mah Yah 12 chung ah kal aa timi ralkap 42 cu raltuk cawnnak camp chung an luh lioah kahdoh a tongmi ralkap hna zong Ungpauk khua ah an kir ve, tiah PDF sinin theih a si. Cu ṭhiamṭhiam in Sagaing-Monywa lam ah SAC ralkap leilawng bomb in kan puahhnawh, tiah People’s knight Defense Force Myinmu in ṭuanvo ngeitu Bo Aye Chan nih a chim.
May 4 deilei suimilam 1:00 tluk ah Sagaing in Monywa lei a kalmi SAC ralkap 90 hrawng phurtu leilawng 3 cu Wunpyi le Alakapa khua kar ah bomb lung 2 in PDF Myinmu nih an puahhnawh hna, tiah theih a si. A voi khatnak bomb puahhnawhnak ah ralkap leilawng 1 a khen i, a voi hnihnak ah a pathumnak leilawng a khen. A thimi le aa hliammi an um le um lo theih a si lo nain hliamhma pumi an tam, tiah theih a si.
