Pu Trump kha a rak mawh lo. Mr. Shii (a aw chuah ning) cu nihin Tuluk ram ah cun, Jesuh nakin an sunsak deuh. An ram chung i Khrihfa cheukhat hmanh, “Nan Zisuh maw mak deuh, kan pu Shii hi” ti tiang in biahalnak an rak tuah bal hna.
Cu pa (Xi Jinping) cu ho dah si?Tulio Tuluk ram uktu pa Xi Jinping khi Tuluk ram chung Aamaluk 1.3 billion renglo lakah a uar tuktu khi 90% leng in an kai lai.
A cung thlur in a tanglei zaran nica hlawh minung pawl vialte tiang nih an upat. Mah caah Tuluk ram chungah cun, biak awk zongah Jesuh nakin Xi Jinping khi an duh deuh lai, ti si. A nun a dik, a thianghlim i santlailo hna caah zawnruahnak ngei bik hruaitu a si caah si.
Ramleng hrambunh Tuluk khrihfa pialsual phu pawl nih an pu Shii thangchiatnak cu rel cawklo in an chuah ve ko. Nain, an ram chungah cun hohmanh nih an zum hna lai lo.Xi Jinping pa cu communist biaknak neilo a si. A nu zong si tho. Ram pumpi an rak huap lo nain, miza veve an rak si ko.
Nain, Xi (kum 15 a rak si hrawng) a pa cu Mao Zedong te CCP nih caan sau thong an rak thlak, ti si. Cu ruangah a nu nih a pa cu a rak ṭhen phah. Mao Zedong te phu nih “dohthlennak a dohkalhtu pa” ti in lih bia in dantatnak an rak pek i thong an rak thlak cu si.Mah ruangah Xi a upa pakhat cu amah le amah aa rak ithat bal.
Mah bantuk i tuanbia ngei an si tikah, tleirawl kawi Xi caah a furture khi bii ngai. A hnu ah, CCP party chungtel luh ka duh a ti i a sok ve lengmang nain, a voi hranak (1974) lawng ah an rak cohlan.
An ram communist mino phu Communist Youth League of China zong nih an rak hnon. Nan chungtel ka siter ve ko u tiah voi sarih a rak nawl hna hnu, 1971 kum lawng ah an mino phu ah cun an rak luhter.
Cu tluk cun rak pheo rak hnonmi a rak si.Cu hnu i a sianginn kainak le a kalnak khua le hmun kip ah, Xi cu zumhtlak tein nun aa rak izuam. Komh a rak duhtu hna lakah midik paoh khi a philh bal hna lo. Aa rak icinken hna.
Mah tluk a karhlan a rak harmi pa cu aa zuam ṭualmal, dinnak le biatak a ṭanh. Ca a rel tuk i daihhnak a duh. Carel lam cu dinnak an ṭanh deuh ko lai ti cu na hngalh ve ko cu mu.Cuti cun, khua kip, hmun kip le peng kip an rak ṭhialnak hmun paoh ah dingfel tein khua a rak sa i a hnu ah cun Shanghai timi Asia lei Paris khualipi ah bawi bik reng in a va phan.
Shanghai rumnak taktak ho nih an hngal lai lo. Nain, na hlat taktak i na tlaih khawh sual cun na khuaruah a har lai. Legal si lomi leitang business kong zongah… Na hngal bal dik maw? (RBZ 100 na rel cun na theih ko lai)
Kawlram tepawl Thai tepawl Southeast Asian pawl nih an rak chuahmi bingrang dip vialte, phaisa cun a hlawk taktakmi methamphetamine phun vialte khi… a rii an von zawt tikah, Shanghai i Secret Society nih an tlaih i an chak an rengh dih hna ti si.Si ko lai cu. A fiang tuk ko. Cathiamlo Khun Sa tepawl nihkhan an bingrang kha US ram NY khua tehna ah US $ billion man an rak kuat khawhnak ding lam a um lo.
Bertil Lintner nih an neh a rak dawi hna tikah, Shanghai i an Secret Society nih a tlaih dih hna, a ti. An partners ahkhin Vunrang anih anih timi pipi an itel.Miding Xi Jinping nih Shanghai a rak phanh lam cu a caah nihin Tuluk ram hruaitu bik i aa chuah khawhnak zong si ko. Mah kong hi Time magazine nih a rak thai bal.
Eihmuar zong a duh lo an laksawng sawh te ah aa rak izaa i zapi ṭhatnak ca lawng aa rak izuammi Xi Jinping kha Shanghai mirum pawl nih a hnulei in an rak dirpi ziar. An ram hruaitu lubik a rak chuah khawh zong khi a chuahkehnak si loin a va phanh balnak Shanghai mirum pawl dirpinak thawng cun a rak si.
An ram hruaitu cun a von chuak tak ciammam i, Shanghai khuapi cu Tokyo le Seoul nakin a let in a mak ah ai chuah. New York hna cu a thurhnawm tuk cangmi Seoul a tluk nemmam ti lo ti si cu mu; An rumnak kong ti loin.
Shanghai cu thlaimi hri (meitha, zeizei internet le TV phun pawl) um lo khuapi thiang ah an ser khawhmi si cuh: India le Kawlram he bingtalet).Shanghai in a kam khatlei te ahkhin Shenzhen timi khuapi thar an chap hoi i ṭihnung khuapi ah ai chuah thotho.
Youtube khin kal law, Shanghai le Shenzhen subway station sawh khi zoh tuah hmanh. US le Europe lam cu outdated an va si cang i Asia ah Japan le Singapore ai rak iti tukmi nakin Korea ti a van si.A mak cem Korea nakin a mak deuh tuk rihmi cu China an si cang ti na hmuh lai. An ram cu Korea nakin a him deuh rih fawn ti si. A thiang deuh fawn.
Digital in zei paoh an icontrol khawh i mi zaran khuasak chawhlehnak ah a him ngai. Korea ah cun, Gangnam an ti leenmi zong khi a hmun tak phan law na hmuh ko lai; an thiang leem lo. Ka umnak sang hmanh a thiang deuh.
A rammi le miphun ca i an sermi, an sakmi lengluang cuahmahmi nak hmanh khin Tuluk cozah khi zeitluk in dah a rum hnga?Vawleicung cozah lakah Tuluk cozah a rum bik. Cozah lakah leiba nei cem cu US cozah si lai. Tuluk sinah a leiba khi 1 trillion zong a phan kho men. A luan tuk kho fawn.
Tuluk cozah cu vawleicung ram kip nih cham dingmi leiba an ngeih hna. A hmete Korea lam nihcun an neih hna lo.Southeast Asian vialte, Singapore chim lo paoh nih Tuluk sinah leiba an ngei lai. A ṭhangcho liomi Africa vialte Tuluk leiba he Tuluk nih a hui dih cang hna.
Ho ruangah? Mi dingfel pa Xi Jinping ruangah a si.Obama tepawl an so a rak pawt dom, America hruaitu bik kan si paoh cun ti hrawnghrang chan ahkhan, annih cu awn lo tein an rak izuam i tei an rak ma.
A poi ngaimi cu Xi Jinping cu biaknak neilo Communist nupa hna fapa a si bang, biaknak a nei ve lo. Biaknak zalennak tu cu a pek cang hna.Ramdang tlawm hal duh i anmah Tuluk Khrihfa pawl nih an thang chiat i an phomh tukmi tepawl khi a tak ah a rak si rua lo.
Mah caah Tuluk rampi huap i Jesuh Khrih thawngṭha nih hmai a suan khawh ti lo ding khi a concern ngaimi zong an um ve. Lih mission rian ṭuan an tam tuk cang caah mu.”Biaknak neilo ah va pial ve” tinak ah thaimi si lo. Biaknak nei lo hmanh, dinnak he cun an kalpi khawhmi khi cuanh thiam ve kan hau cang lai.
Miding nihcun, an mipi zaran nun khuasak nuamhnak caah an ser cuahmah in an karhter chin lengmang lio i khuazeimaw ram daw bik lulu zong va um; Hero lulu, ram daw bik phun hmaisuang bik tak lulu cowboy lukhuh manfaak emem vai ikhuh i … kan ram luatnak a ser khotu tak ding bang.
Zawngkeng pawl dirhmun zong khi cuan chih thiam pah tuah cang hna ulaw tiah.China khuapi pawl cu mah bantuk lawngte ngawt an si dih cang. Shenzhen tu cu a mak bak vemi vawlei cung chuahpi ngam khuapi a si ve.Salai C Alexander