Titan a puak i mirum pa 5 zong cu lohtlau an si cang, ti si. Hi thawngpang nih tulio cu a cul ngai hna, ram rum deuh pawl cu. Titanic tilawng dawh taktakpi rili tang i a rilhnak khi pee 12,500 hrawng a thuhnak ah a si, an ti.
Titanic tilawngpi nih iceberg (tikhal tlaang) ai pah sual an timi zong khi a zum lotu an rak um. Tilawng dang nih tikhal an ipah bal lo, nain ziah Titanic theng nih hika hmun ah tikhal tlaangpi cu ai rak ipah, ti si.
Supernatural being a zummi le critical thinking thluak nei pawl tuak ning mu. Rili tang pe 12,500 thuhnak i tilawng ruakpi va bih dingah a kalmi tunai Titan tipil lawng hmete cu a puak i ai ṭhek dih ti si.
Titan tipil lawng hmete ai ṭheknak pel cheukhat an hmuh cang tikah, zei ruangah a puah i a kuai, timi cu theory in tuak cio si cang.
Physics lei science theory phunphai in an tuakmi video zong online ah an fuan lulh. Ti thuhnak pil tikah, a thuh deuhdeuh ahkhin, ti pressure khi a cak chin lengmang ve. Mah lam cu ti ai lio bal pawl nih an ngalh ve dih. A dik ko.
Titan tipil lawng zong cu a va ṭum deuhdeuh, a thuknak deuhdeuh a va phan i ti pressure a chei ti lo caah a puak-kuai-man dih tiah an puh bikmi theory cu si.
Cunglei a controltu lei nih aw an theihmi ningah cun, vampang cumh thawng le kheuh thawng bantuk kan theih caah Titan chungah a cimmi pakhatkhat um lai tiah kan ruah, an rak ti kha mu.
Hei tuak ve law, “if something huge water animal (whale or something) attack them” …Cun, Rilipi chungah khin, an ti; History documentary zeimaw ah zoh ve te hmanh, minung nak a fiim deuhmi pawl khuasaknak civilization a um, ti si.
UFO tbk kheng bantuk lawng in a zuangmi pawl kha, a ngai tiah cun, rili tangpi ahkhin khua a sami minung nakin thil ti khawhnak sang deuh a ngeimi pawl an si, tiah documentary an rak chuah bal.
Ti pressure sawhsawh ruangah chanthar alloy maw siloah thir kuai har phun in hei saksiam ko dingmi Titan vampang ai baoh khawh ding cu zumh har ngai.
Khrihfa biaknaklei upa (pastor phunphai) cheukhat nihcun anmah lei hoih in ca a phunphun an thai ve. OceanGate company cawlcangh ning an Titan serning an langhtermi pawl bihzoh ve tik bel ahkhin, an vei pah: Lai lei thlam sak phun khin a sami hna ka lawhter pah hna.
Mirum billionaire pipi i an Titan te a va hmet si, ai dawh leem lo si, whale mangtara nih zuan hnawh sehlaw, a tlek dih ko hnga lo hme maw ti awk cun a um pah rereng.Rilipi tang Titanic lawngrawkpi chung hrawngah khin mithla an hraat bak a titu zong an um bal fawn tikah cun. Salai C Alexander