Vawleipi nih Lai miphun kan um ve ti hmanh a rak theih bal lo mi cu tuah cun nikhat hnu nikhat Lai miphun cu vawleicung ram kipi ah kan Pathian thawng in kan phan ve cang i Lai miphun ka si timi chim le rel zawng lung a hmui kho tuk cang.
Cu lawng hlah Lai miphun chung in vawlei chung mipi nih an uar tuk mi UFC le MMA hna ah boxing ai thong mi kan um ve te lai tihmi cu kan zanmang hmanh ah kan rak ruah phak bal lo mi cu kan Pathian thawng in tuah cun vawleipi theih tiang kan min a hung i tel kho ve cang.
Lai miphun vawleipi theih in min thatnak a kan hmuh piak tu Tial Cung Thang le Joshua Van hna kan hung i neih khawh mi hrim khi lung a hmui kho tuk. Tial Cung Thang cu tu kum november 11 ah OCON tihmi he an i thong tthan lai nak kong a mah Tial Cung Thang nih a timeline a hung langhter mi cu hmuh a si.
Teinak lian ngan a kan hmuh piak tthan nak lai thlacam nak in dirkamh rih hna u sih. A tang ah hin amah Tial Cung Thang mipi sinah november 11 kai thong tthan lai thazaang rak ka pe rih uh tiah a tial.
November 11th, I will be fighting for the bantamweight title for All In Combat. I am working hard to put on my best performance. Thank you for all your support.
Laipa Tial “The Dragon Leg” Thang Bawipa nih teinnak inpe tthan hram ko seh! Na Lai miphun hawi nih kan hnu lei in kan nin dirkamh ttih hlah! Thlacam kan nin cam piak lai i teinak na hmuh hrim la.