Thong Inn Chung Misual Phu Hnih Karlak Buainak In Minung 46 Nunnak Liam. Honduras (Nu) thonginn ah misual phu hnih karlak ah buainak a chuak thongtla minung 46 nunnak liam tiah theih asi.
Honduras (Nu) thonginn hi Tegucigalpa khuapi in meng 30 tluk aa hlatnak Tamara ah a um mi a si. Thonginn chung ah misual phu hnih Barrio minung 18 le MS-18 hna karlak ah buainak fakpi in a chuak tiah an chim.
Hi kong he pehtlai in, thonginn Assistant commissioner for Hondrus prison system Sandra Rodriguez Vargas nih a chim mi cu misual phu hnih hna hi zingka suimilam 8:00 tluk ah thonginn vengtu hna that in leng ah an chuak i kap hnih karlak ah i vuaknak a bantuk in a chuah hi si tiah a chim.
Hi thongtla misual phu hnih buainak in nunnak liam mi lak ah hin mi sual lo zong an i tel chih tiah theih an si.Hi kong he pehtlaiin, President Castro nih a chim mi cu hi thil a cang mi ah hin Cozah nih a zoh sawh sawh lai lo thil sual tuahtu hi kan tlaih hrim hrim hna lai tiah a chim chap. Lungmili Post