Thlanrawn Le Taal Kar Ah Ralhrang Kee Kal Mi Chin Ralkap Nih An Kah Hna
Thlanrawn le Taal kar ah ralhrang kee kal hna cu Chin ralkap nih an rak kah hna i UC pawl hnung an tolh lio si i, ralhrang motor rual hi Thlanrawn in meng khat aa hlatnak ah an dir tthup ko hna . Kan Chinralkap hna caah thlacam cio usih. SWHC
A Dik Lomi Paoh Cu Doh Thluahmah Ding. An dihlak upatnak sangpi ka pek ko hna. Asinain atu thil an tuahmi hi cu
CBCUSA upa nih Chinland Club le CNF/CNA an zum hna lo i $10 millions an kan thawhter.
Kum 30 ringlo ram le miphun caah a țuanmi le harnak phun zakip a tuarmi CNF/CNA kha zei rel lo phun le zumh lo phun in nizaan tihni ah a dirmi CDFs ca hriamnam cawknak ah tangka tam taktak an kan khawlh.
Kan kungpi le kan suttungpi a simi CNF/CNA bawmh le dirkamh i timh lo i țhencheunak a chuahpi deuh dingmi CDFs ca tu rian țuan an i timhmi hi a dik lo taktakmi a si!
Chim lawlaw ko ahcun CDFs hi tu hnu kum 1/2 leng an um a hau ti lo. CNA ah an luh dih a hau te lai.
Atu i a lut cangmi le aa fonh cangmi cu lawmh phu taktak an si. Chinland/Chinram sernak dingah CNA hi a țhawn taktak a herh zia kan i fian a hau.
Hriamnam an zalhnak ah a tlamtling lo ti thawng cu fiang ngai in theih a si cang, Pathian hna a tlak lo ruangah ti khawh a si ko.
Hi hnu cu hriamnam lei caah chawva khawlh le hriamnam cawk cu kanmah rian a si ti lo i kan tuah ti lai lo tiah biakhiahnak an ngei cang rua. A si ding hrimhrim a rak si. A dirkamhtu cu an si bak ding a si.
Nain anmah nih CNF/CNA țuan hnga dingmi țuan kanh phun in kar an rak hlanmi hi cu a poi ngai ko.
Pastor te cu zumtu kan caah kan chuahka in kan thih tiang Pathian bia in a kan cawmtu, thla a kan campiaktu, thluachuah a kan halpiaktu le kan thih tikah a kan fimhlawmtu an si ko.
An dihlak upatnak sangpi ka pek ko hna. Asinain atu thil an tuahmi hi cu anmah rian a si lomi an rak tuah caah Pathian zong a hna a tla ve lo i a tlamtling lo ti khawh a si.
Mifimthiam, cataang sangmi le thil ti khomi zong ka si lo nain Chin miphun sinak in ka țialmi a si.
Chawva ka thawhmi zong chim awk a tlak bak lo.
CNF/CNA le CDF i rem lonak le i țhencheunak dingah ka țialmi zong a si lo.
Ka palhnak a um ahcun Pathian nih rak ka ngaithiam hram seh! Salai Cung