Kan member chungin Zephai (A) ah ralzam in a um mi Pu Chum Mang fanu Hannah Dawt Tha Hlei Par – 5 nih 7 September 2023 11:30 AM tluk ah ruah lo piin a kan thih tak. Hannah aw kan in siang hrim lo ee.
Tantakmi chungkhar vialte hna nan ngaihchiatnak Bawipa tu nih in hnem ko hna seh. Hmunkip ah aidormi khrihfabu member vialte nih nan ngaihchiatnak kan in hrawmpi hna. RIP Hannah
Thawngpang dang-Kan Chin Pasalttha Hna Nih Kum 2 Chung Ah Ralhrang Sakhan 9 Bak An Lak khawh
Kum 2 Chung Ah Chin Ramkulh Um SAC Ralhrang Sakhan 9 An Lak Khawh. SAC ralhrang nih uknak lak hnu in kum 2 chung Chin ramkulh ah ralhrang umhmun khuarnak sakhan 9 lak a si cang tiah Ministry of Defence-NUG nih September 7 ah a langh ter.
Mipi ralkap nih SAC ralhrang kum 2 chung a dohnak le a cawlcangh nak cu NUG nih langh ter in thanhca an chuah hi a si. Hi kum 2 chung kahdohnak ah Chin ramkulh chungah SAC ralhrang sakhan lak lio kahdohnak he telh in voi 550 kaphnih kahdohnak a chuak.
Myanmar rampi huap in SAC ralhrang sakhan 135 lak a si cang. Hakha-Falam kar Chuncung khua ah CNA le Chin ralkap ṭangṭi phu nih ralhrang raltuknak EE-9 Cascavel motor Tank 2 an hrawh mi kong zong NUG nih a langhter chih.
Chin ramkulh ah ralhrang sakhan 9 an lak mi kong cu NUG nih fiang in a langhter lo nain, Thantlang sakhan, Lungler sakhan, Mindat peng Makuinu sakhan, Matupi peng ralram ralhrang sakhan pakhat, Falam peng Vaar sakhan le Tonzaang khua Darkhaing sakhan hna cu Chin ralkap nih an lak hna.
Mah pin ah SAC ralhrang nih Chin ramkulh ah inn 1,630 renglo an khangh i Sagaing le Magway ramthen chungah inn an khangh mi a tam bik tiah Dalta for Myanmar nih August thla lio ah a langh ter.Lungmili Post