Operation 1027: Ni 3 Chung ah SAC Sakhan 57 An Lak Cang. Chaklei hriamtlaibu unau thum a si mi MNDAA, TNLA le AA nih October 27 in an thawk mi Operation 1027 cu a ni 3 nak zong ah an hlawhtling ngaingai!
A ni 3 nak ah SAC sakhan 16 an lak chap. A nikhatnak le a nihnihnak i an lak mi he ni 3 chung an lak mi dihlak sakhan 57 a si cang. SAC raldohnak Tank pahnih zong an hrawh khawh.
Hi Operation 1027 ah Mandalay PDF zong an i tel. Nihin ah khab KNPP (Karenni National Progress Party) nih Operation 1027 ah tlangcung hriamtlai vialte i tel cio dingin sawmnak cathanh an chuah cang.
NUG zong nih Operation 1027 hlawhtlinnak cungah lawmhpinak le thangthatnak cathanh an chuah i Rangoon, Mandalay le khuapi dangdang ah Operation 1027 hlawhtling chin ko seh ti mi ca an taar len. The Chin Post