SAC Ralkap Nih PDF Sakhan Cu Vanlawng Hmang In A Kahdoh Hnu Ah An Laak. Sagaing peng le Madaya peng kar ah a ummi PDF phufonh sakhan pakhat cu SAC ralkap nih April 8, zinglei suimilam 10:00 hrawng ah van lei kahdohnak a tuah hnu ah vawlei lei in rallam a sial i kahdohnak a tuah, sakhan chung um thilri vialte zong an khangh dih tiah theih a si.

Pyin Oo Lwin pengkomh pahkahphah, Nagani pahkahphah, MDY-pahkahphah UG phufonh sakhan cu luhhnawh in kahdoh kan tong tiah Nagani pahkahphah in ṭuanvo ngeitu Ko Ta Nge nih a chim.

“Kan umnak hmunhma hi SAC ralkap nih fiang tein a theih hnu ah vanlawng 2 in an kan kah, vawlei lei zong in an kan kahdoh caah sakhan ah ummi hriamthil zeihmanh lak manhlo in hnu kan tolh, kan kaltakmi hriamthil le thilri vialte cu SAC ralkap nih an khangh dih” tiah a chim.

Mandalay ramṭhen Tada U vanlawng tual in Mi 35 pahnih nih cu sakhan cu van lei kahdohnak a tuah cu hnu ah kee ralkap thazaang 100 hrawng nih vawlei lei in cawlcanghnak an tuah i sakhan cu an khangh tiah theih a si.

Kan sakhan hrawh le khanghpiak kan ton caah sing 500mmk man tluk hrawng hriamthil kan sung tiah Nagani pahkahphah in ṭuanvo ngeitu Ko Ta Nge nih cun a chim.

“Mine thilri pawl, kuan sernak thilri, kut ser meithal, uniform, kut cheh bomb, riahcaw le cycle tiin zeihmanh kan lak manhlo caah kan sung dih, phu thum fonh in kan umnak sakhan a si i kan sungmi hi sing 500mmk man tluk hrawng a si” tiah a chim.

Cu pin ah SAC ralkap nih an kan kahdohnak ruang ah PDF chungtel 10 hrawng nih hliamhme an tuar, atu ah cun a himnak hmunhma ah an phan cang hna tiah theih a si.TCP

By admin

Leave a Reply

Your email address will not be published. Required fields are marked *