Yangon hrawng Baptist khrihfabu hna lak ah music thiamnak lei in tulio an hman bikmi le an bochan bikmi cu Saya Salai Nay Lin Htun (Matupi) a si ko.
Khrihfa hla zuamnak a um poah ah main judge ah an hman pengmi a si. Philippines ram ah music in degree a ngah, CBC mino pastor a si i a fel hringhran fawn.
Zahan kha CBC(Yangon) a zung ah ka va ton khawh. Judge tuan piak ve ding le top 10 caah coach tuan ding ah bawmh ka hal, Chin mino sin ah a thiamnak cheuh ve ding aa ngeih tuk ve, lunglawm tein a kan cohlang.
Top 10 a lutmi hna cu Yangon an phak tikah an i zuam hlan zarh hnih chung nifatin music/vocal training a pek hmasa hna lai. An i zuam chung vialte amah hi an coach a si te lai. Hi intensive vocal training nih top 10 hna cu chim cawk lo a thahnem te hna lai.
Ka ruah lo leng hin thil tha a cang ko, Pathian nih a kan hruai ko timi a lang. Top 10 a lutmi ca hrim ah thawngpang tha taktak khi a si. Salai Lungthli Tum