Thantlang palek sakhan kan pasaltha CNA le CDF hna nih an lak hnu ah SAC ralhrang nih Thantlang ah Jet Fighter le MI-17 hmang in bomb an thlak a voi a tlawm ti lo. Nizan zawngah SAC ralhrang nih Thantlang ah Jet Fighter he bomb an tlak tthan i inn a kang tthan tiah CNF, CNA, Chinland Thantlang nih a video hi an vun langhter.

Nizan fabuary ni 26 ah khan SAC ralhrang hna nih Thantlang ah MI-17 in hriamnam le eidin awk zeimaw zah an va thlak mi cu CNA, CDF kan pasalttha hna nih drone in an rak kah piak hna i a kang viar tiah theih a si. Thantlang palek sakhan cu kan pasaltha hna an lak hnu in ralhrang nih lak tthan an timh caah tu le tu vanlawng he bom an thlak lengmang.

CNA, CDF kan pasalttha hna nih SAC ralhrang nih MI-17 he Thantlang ah hriamnam an va thlak mi drone he kang viar i an kah nak video zoh cu lung a hmui kho taktak. Kan pasalttha le hna kan Pathian nih a umpi hrim hrim ko hna tihmi cu khi vialte ralhrang bomb thlak nak in an luat khawh mi khin a fiang ter ngai ngai. SAC ralhrang nih Jet Fighter he Thantlang ah bom a thlak i inn a kang tthan nak Video link zohnak

Relchap- Chin Ramkulh Thla Hnih Chung Kahdohnak Ah Chin Ralkap 20 Le Tualchung Mi 6 Nunnak Liam. 2023 kum thawk lei ah fak ngaiin kahdoh a chuahnak Chin ramkulh ah January le February thla hnih chung ah Chin hriamtlai phu chungtel 20 an nunnak a liam pin ah SAC ralkap hriamngan kahnak ruang ah tualchung mi 6 an nunnak a liam tiah kan theih.

Thla hnih chung kahdohnak ah Chin ramkulh hmunhma dang cio in CNF chungtel 10 le CDF 9 an nunnak a liam, CNDF ralkap pakhat cu Kalaymyo a phanh lioah SAC ralkap nih tlaih in an thah tiah theih a si.

A luancia January thla chung ah SAC ralkap nih CNA/F headquarters cu vanlawng in bomb a thlakhnawh caah ralkap 5 an nunnak a liam. Thlahnih chung hmunkip ah Chin hriamtlai phu nunnak liammi chung in a tam bik nunnak a liam tan zong a si.

Thla hnih chung ah SAC ralkap hriamngan kahnak ruang ah Mindat peng ah tualchung mi 3 nunnak a liam pin ah kum 17 nu pakhat cu SAC ralkap nih tlaih in an thah tiah theih a si.

Vanlawng in bomb thlaknak an tuah ruang ah Mindat peng um tualchung mi 5 nih hliamhma an tuar. Matupi peng zong ah tualchung mi 2 cu SAC ralkap nih tlaih in an thah hna tiah tualchung media hna nih an langhter.

Thla hnih chung in February thla chung kahdohnak ah Thantlang palik sakhan laakpiak an tong. Cu sakhan laaknak ah hriamthil an laak khawhmi telh chih in hriamthil 50 leng le kuanfang tamlak kan laak khawh tiah tualchung hriamtlai phu nih an rak thanh.

SAC ralkap nih thla hnih chung ah van lei kahdohnak voi 90 leng an tuah. Kahdoh a fah thla hnih chung ah cun Chin ramkulh chung hrambunh SAC kuttang a ummi ralkap le palik minung 5 nih Chin hriamtlai phu sin ah an i ap tiah theih a si.TCP+-

By admin

Leave a Reply

Your email address will not be published. Required fields are marked *