Tuni 3 March ah Thantlang leiah Mi17 le Mi-35 a va zuang mi cu Mi-17 cu a khupi he rak zuang in Mi-35 nih a rak ven hnuah Rungtlang leiah a tu kha a ttum.
A tang ah hin ah a video ka thil chih rak zoh ve hmanh kan pasalttha hna nih ralhrang langta cu an rak kah piak rua khu thluahmah in Hakha lei a kir tthan.
Relchap- Yinmarbin Peng Ah SAC Ralkap Nih Tualchung Mi 4 An Thah Hna Pin Ah Inn 1,000 Tluk An Khangh. Sagaing ramṭhen, Yinmarbin peng khuate cu SAC ralkap nih an khangh caah inn 1,000 tluk a ciam. Tualchung mi 4 zong an thah hna, tiah tualchung mi hna le Yinmarbin peng PDF hruaitu Than Manih nih an chim.
February ni 26 in Yinmarbin peng ah SAC ralkap nih, khuate cu an khangh i Tin Htun(kum 50), Aye Lwun(kum 20), San Lin(kum 57) le Kyaw Thu(kum 35) zong SAC ralkap nih an thah hna, tiah Than Manih nih a chim.
February ni 28 zanlei suimilam 6:30PM hrawng ah SAC ralkap nih khuate an khangh i, March ni 1 tiang ah Kone khua inn 780, Tarwa khua inn 22 an ciam, tiah theih a si.
“Kone le Tarwa khua pahnih fonh in inn 800 leng 1,000 tluk a ciam. Tualchung mi 4 zong thah an tong. Khuami hna cu ralhrial in ramlak ah kan zaam i kan kir ngam rih lo. Inn vialte zong an ciamh dih caah um ṭhan ding ahcun a har ngai ko lai,” tiah khuami pakhat nih a chim.
Yinmarbin peng PDF hruaitu Than Manih nih, SAC ralkap nih khuate an khangh caah umnak ngei loin khuami cu an zaam dih caah eidin le sii-ai an herh tuk i, mahle si khawh tawk bawmh cio ding in nawlnak a tuah, tiah theih a si.TCP