May 14,2023 ah khan Myanmar Ramri Thailand ah General Election thimnak neih asi i,Thailand Siangpahrang Uknak le Ralkap hruaimi Semi- Democracy Uknak hrawh a duhmi le mipi uknak kalpi atimmi Move Forward Party(MFP)le Pheu Thai Party(PTP)nih PM tuan liomi General hlun Prayut Chan O- cha hruaimi United Thai Nation Party le Ralkap tanhmi Party hna cu Uipi kawlh in an kolh hna.
Tutan Thimnak ah hin Mipi Vote thla khomi millions 52lakah Mino thong tampi nih Thimfung an thlak ca’ah votes thlak dihlak 75.22% asi.Thailand Thimnak hi PR system an hmang ca’ah Move Forward Party nih Popular Votes 14.1 millions, MP-113+ 39= 152 (Party List Seats), Pheu Thai Party nih 10.8 millions, MP-112+ 29= 141 Seats le PM kal ding Prayut hruaimi UTNP nih 4.7 millions, MP-23+ 13=36 le Dy-PM ex-Ralbawi hruaimi Palang Pradorata Party nih MP-39+1=40 an hmuhning asi.
Thimnak Ni ah khan PM Prayut nih cun, tutan ka tlin lo’ah cun Politics in ka din cang lai ti’ah a chim bantukin MFP Leader Pita Limjaroenrat nih Pheu Thai Party telhin Party-6 dang he kop in ” Fonhtomh Cozah” siam kan i tim cuahmah i,keimah hi Prime Minister ca’ah thim an ka tim ti’ah a chim ve.
PTP lei nih cun,Coalition Cozah kan siam khawh ah cun,Ms.Paetongtarn Shina -watra cu Deputy Prime Minister ah chiah asi lai ti’ah an chim ve. Thailand Election Commission Chairman Ittiporn Boonpracong nih cun, thim nak caan hi a dong rih lo i, Complian-lungtling lo nak te pawl Ni-30 chungah kan zoh rih lai ti in a chim ve.Cuca’ah Thailand Cozah thar kai ding kong cu zeimawzet caan hnu lawngah a fiang kho dingmi asi rih.
Thailand hi Zalonnak Independent an hmuh hnu’in an Siangpahrang hruaimi Ralkap bu nih vawi-13 leng “Anna-ting”(Coup’d-tat)nak an nei cang pinah Siangpahrang Uknak hrawh an timh tik poh ah a chuak tawn.tutan MFP le PTP zong nih Thai-Kingdom hruainak hi Phunghram thar siam in nawlneihnak thumhpiak an timh ve mi asi.
Cu pinah,Thailand ah hin 2017 Constitution an siam thar ningin, House of Representatives ah MP-500 an um i, thim tak takmi cu 400 an si i, 100 cu Party ÷#% List Seats in hmuhmi (PR စံနစ်)asi. Cun, Cozah tlaihmi nih Senate
MP-250 Seats siampiak an si ca’ah Thai Parliament ah MP dih lak-750 an um. 2017 Phunghrampi ningin cun, Prime Minister thimnak dingah hin Parliament House pahnih in MP-750 nih Vote thlakin thim ding asi.PM tling dingin Vote-376 hmuh a hau ca’ah, MFP Leader Pita nih hin a hmu kho hnga maw?
Ti hi ruah awk tampi a um. Tu’ah MFP,PTP+adang nih hin MP-309 hrawng lawng an nei kho rih.Cuca’ah Palang Pradorata le Democrats Party(22+3=25) nih hin a karlak ah Politics an thiamah cun, an duhnak lei poh ah Cozah siamter kho mi dirhmun ah an dir.
A donghnak’ah, MFP Leader Pita Limjaroenrat hi Future Forward Party(2018) in MP asi lio’ah a Poisa/thil neihmi EC sinah details Report a pe duh loh ti’ah PPR Party MP Ruangkrai Ledkitwa ttana nih EC ah Complaint a tuah ca’ah Court nih fianter nak a pek a hau te lai.
PM thar ding Pita Limjaroenrat hi a Pa nih a roh tami Thai ah a lar tak takmi I-TV Company a ngei i,Thailand Mirum tampi nih Share Holder/Stocks Markets (SET) ca’ah an hman bikmi asi i, 2014 ah Baht -20.5 millions in an rak dirhmi asi.Cuca’ah a dir hmun hi Thailand Ralkap lakah thinphang dailo asi ko.PM tling sehlaw, Myanmar ram Mipi ca zongah US he tuanti’in Ralzam bomhnak, Rem -daihnak siam khawh ka zuam lai ti’ah a chim.
Amah hi 5 September 1980 (42) Bangkok ah a chuak i, Nupi Ms.Chutima Jeepanart le Fanu Pipim Limjaroenrat a nei.Thamasat University in BBA(Business Administration)Bangkok in a dih hnu’ah Vawleicung minthang tak Harvard University ah MPP hnu’ah US,Massachusetts Institute of Technology in MBA a dih tha’n.
A Nu le Pa chungkhar hawikom nih “Tim” ti’ah an auh tawn.Zeipoh si sehlaw, Thailand ah Mipi Uknak Democracy diktak kalpi dingin Thailand Mino nih ram hruaitu dirhmun ah an dir khawh mi cu lawmhpi awk tak tak an si.