Thailand sorkarna chelh tawhte kha Burma anga Coup Sorkar tho a nih thin avangin , tuna mipui thlantlin Thailand PM thar tur lakah erawh Burma ramin chu beiseina tam tak a nei dawn.

Thailand inthlanpui a vote hmu tam ber (MFP) Move Forward Party leader Pita Limjaroenrata chuan Myanmar ram chhung buaina hi khawvel ram hrang hrang te nen tangrualin kan chinfel dawn a, a bikin USA ram nen tangkawpin Myanmar ram tanpuina tura an dan siam BURMA ACT tihlawh tlin nsn theih tawp kan chhuah ang a ti.

Election a an hneh tak rorel lai United Thai Nation party hi Myanmar ram ang tho a an sipaite thlawpna avanga sorkar an ni a, Myanmar Military Coup sorkar nen inmawngzawm tlat an ni a, ASEAN ram intel khawm ram zingah Myanmar Sipai sorkar tan tlat thin an ni a, tunah chuan Mr Pita ten sorkar an siam theih chuan ASEAN ramah Brunei, Singapore ,Malaysia ram te nen Thailand chu an in lungrual tawh dawn a ni.

Thailand hian Military Council ten five points agreement an tih hlawhtlin theih nana hmalaknaah an thenawm ram a nih vangin thui takin ASEAN chu kan puihbawm a ngai a, Inkahhai lailawkna hmun (temporary ceasefire zones) siamin Burma mipuite chu humanitarian aid kan buaipui dawn a ni a ti.

Thailand ram inthlanpui neihzawh takah eptu pawl Move Forward Party (MFP) chuan seat a la hnem ber a, party dangte phungbawm sawma sorkarna a siam theih chuan an ram hotu ber, Pita Limjaro Enrata chu Prime Minister a ni ang.

An party hian Burma rama sipai thlawp USDP party ang , rorel lai United Thai Nation party chu vote chhiar zawh takah an khum tawh a ni. PM ni tura beisei Pita hi kum 42 mi chauh la niin, Massachusetts Institute of Technology atangin MBA a zir chhuak a ,Thailand Parliamentah MP a lo ni tawh bawk.

By admin

Leave a Reply

Your email address will not be published. Required fields are marked *