SUUKYI NIH REMNAK TUAH KA DUH TI. Thailand FM nih Suukyi Jail ah a tonnak kong
July 11,2023 Jakarta i ASEAN Foreign Minister meeting a Ni- hnih nak’ah Thailand FM Mr.Don Pramudwinai nih cun Daw Aungsan Suukyi he Nyphydaw Thonginn ah an i tonnak kong pawl cu ASEAN Ministers meeting ah a chim i, Daw Suuky nih Myanmar remdaihnak siam a duh nak kong a chim pinah, tlawmpal ah MAH nih chuah khawh kan i zuam lai ti’ah tiamkamnak a ka pek ati.Cun a ngan a dam pinah zeihmanh lungrethei nak nei dawh asi lo ati fawn. Thai FM nih cun, Suukyi he Suimilam-2 chung tluk kan i hmu i, bia tha tha tampi kan ceih ti ti’ah a chim hoi. Cuca’ah tukum September thla hlan ah a chuah khawh zumh asi ti’ah Kyodo News nih a tial.
Thailand Deputy Prime Minister-Cum-Foreign Minister Don Pramudwinai hi July-9 (Sunday) zinglei 9:46 Am ah khan Thailand Air Force Van lawngin Nyphydaw a phan i,MAH siannak nawl in Dy Home Minister(ရဲချုပ်) he Suukyi hi an van tong ti’ah minchim duh lo Thonginn bawi pa nih a chim.Mah hi Kum 2021 in Daw Suukyi Thong a tlaknak in Ramtang Bawi upa/ Minister nih an ton a vawikhatnak asi i, Indonesia FM Marsudi le SAC FM an i chawnhnak ruangin a chuak mi ah ruah asi.
Cuca’ah ASEAN chungah lungaw- tom in an um dih i,Statement Phukomh thawng thanhnak an tuah kho rih lo. Hi kong peh zulh cawlh dingin ASEAN Secretariat cu rian ngan an khinh cawlh hna.
Thailand Prime Minister thar thim ding cu thai tuan ah Parliament House pahnih komhin tuah asi cang lai i, Move Forward Party Candidate Mr. Pita nih hin teinak a hmu kho lo men ti’ah ruah damh cio asi.Move Forward le Pheu Thai Party hruaimi 8 Parties Alliance nih hin MP-312 lawng an ngei kho rih i, tlop tu MP-64 an herh rih.
Ralkap Cozah thimmi Senators- 250 lakah hin Cheukhat nih cun Mr.Pita hi pek dawh an si ko na’in, tling khawh dawh asi lo. Cu a tling lo si’ah cun Pheu Thai Party leiin Ms Paetongtarn Shinawatra Candidate asi lai i, Opposition lei’in Bhumjaithai Party in Health Minister kal dingmi Mr.Anutin Charnvirakul he Prime Minister Post i cuh ding an si.. Van ngai cang rih hna usih. MC Biklian